Kitaata avannaanut assartugassat
Royal Arctic Linemit ajoraluartumik nalunaarutigissavarput nunatta kitaata avannaani sikoqarpallaarnera pissutigalugu Qeqertarsuup tunuanut suli tikissinnaanngikkallaratta.
Martsip 21-iani Mary Arctica usinik ulikkaarluni angalanermini 208-mi misileeqqikkaluarpoq, ajoraluartumilli Sisimiut avannaata-tungaani sikoqarpallaarnera pissutigalugu ippassaq utiinnartariaqarsimavoq, massakkullu sikoqarnerata allanngornissaa utaqqivarput.
Sikoqarpallaarnera pissutigalugu assartuisinnaannginnerup kingunerisaanik nassiussat Qeqertarsuup tunuanukartut Nuummi terminalimi annertuumik katersuutilersimapput.
Nassiussassat terminalimiittut ilaneqaqqinnissaannut inissaqanngilaq, taamaattumillu allatut ajornartumik Qeqertarsuup tunuanut nassiussassat ingerlaarfinni aappaluttuni tulliuttuni matoqqaartariaqarpoq.
Qeqertarsuup tunuanut nassiussassanik tunniussineq nunatta kitaata avannaani Qeqertarsuullu nalaani sikoqarnerata allanngornissaata tungaanut matoqqagallassapput.
Nillataartulli Qeqertarsuup tunuanut nassiussassat suli Nuummut Sisimiunulluunniit bookernissaannut periarfissaqassaaq, namminerlu isumaginerisigut timmisartuunneqarsinnaallutik.
Imaappoq angalaneq TUK211 aallarnerfigalugu nassiussassat bookerneqarsimasut tunniunneqarsinnaanngikkallarput.
Ingerlaavartumik nalilersuivugut, sikulu ingerlavigineqaqqissinnaalerpat nassiussassanik tigusinissaq ammaqqissallugu.