SIU216 aamma MLQ216 ingerlanneqarsinnaassannginnerat aarlerineqarpoq
Avannaani siku piffissami matumani suli ima issutigaaq aserorterneqarsinnaanani. Angalanerillu pilersaarutaasut siulliit SIU216 aamma MLQ216 piffissami matumani ingerlanneqarsinnaassannginnerat aarlerineqarpoq.
Upernaviup Uummannallu tungaannut ingerlaarfiusartumi Kitaata sikua ukiut siuliinut naleqqiullugu ukioq manna unammillernarneruvoq. Ukioq mannalu angalanerit aappaluttumik nalunaaqutsikkat siulliit marluk Kitaata sikua pissutigalugu taamaatiinnarneqareerput.
Sumiiffimmi sikup qanoq issusia ingerlaavartumik nakkutigaarput peqatigisaanillu aamma taamatut inissisimasoqarnerani aaqqiissutaasinnaasunik ujarlerluta. Qanoq pisoqarneranik ingerlaavartumik ilisimatitsisarumaarpugut.