Nassiussanik Tasiilamukartunik tunniussisarneq Aarhusimut nuuppoq
Royal Arctic Linep nassiussanik ataasiakkaanik Tasiilamukartunik tunniussisarneq Aarhusimut nuuppaa. Tamatumani pineqarput Nillataatut aamma Qerisut saniatigut nassiussat tamarmik.
Taamatuttaaq containerinik mikisunik MC5-inik tunniussineq Aarhusimut nuunneqarpoq. Tamatumani pineqarput Kalaallit Nunaat tamakkerlugu angallaviit.
Nassiussanik taakkuninnga nuussineq aallartissaaq umiarsuaq Bruarfoss 221 aallarnerfigalugu, tassunga tunniussinissaq kingullerpaaq tassaavoq 7. juuni 2022.
Taamaattumik nassiussat ullumikkumiit nalunaarutigineqartut Aarhusimi Eimskip Pakhusimut ammasarfiup nalaani tunniunneqassapput.
Eimskip Pakhus uaniippoq
Sumiiffik: Østhavnsvej 37, 8000 Aarhus, Danmark
Ammasarfiit: Ataasinngornermit sisamanngornermut nal. 06:00 – 16:00
Ammasarfiit: Tallimanngornermi nal. 05:00 – 14:30
Royal Arctic Line Kiffartuussivik Danmark
Mailikkut bookingaalborg@ral.dk imaluunniit Tlf. +45 99 30 30 99.
Ammasarfiit: Ataasinngornermit sisamanngornermut nal. 06:00 – 16:00
Ammasarfiit: Tallimanngornermi nal. 08:00 – 15:00
Eimskip quersuaanut nuussineq pitsaasoq qulakkeerniarlugu Royal Arctic Linep nassiussat suussusiat assigiinngitsut Aalborgimit Aarhusimut kittaartumik nutsissavai.
Ulloq 22. Juuni 2022 nassiussassat tamarmik Aarhusimi Eimskipimi quersuaqarfimmut nuunneqarsimassapput Tukuma 223-mik. Tamatuma kingornatigut nassiussanik tunniussineq aamma tigusineq Aarhusimi Eimskip quersuaqarfiani ingerlanneqalissaaq.
Nassiussanut Nillertumiittussanut aamma Qerisunut tunngatillugu kingusinnerpaamik tunniussineq aamma aallerneq Agri Norcold-imi aamma Frode Lauersenimi suli pisassapput, takuuk siornatigut nalunaarutigineqartut.
Kingusinnerpaamik nalunaarutiginninnissamut aamma tunniussinissamut piffissaritinneqartut ilanngussami takukkit.