MLQ217-imut, SIU217-imut, IRE217-imut aamma MLK217-imut pilersaarutit allannguuteqarput
Avannaani maanna qanoq sikoqassusia tunngavigalugu Uummannamut Upernaviullu pigisaanut misiliisinnaanngorpugut.
Maleraq Arcticap angalanermini 217-imi Uummannap illoqarfianut tikinniarnissaanut Malik Arcticap sikunik aserorterissutissavaa, ajornassanngippallu, Ikerasammut, Saattunut kiisalu Ukkusissanut sikunik aamma aserorterissalluni.
Malik Arctica sikunik aserorterereeruni Kujammut utissaaq Maleraq Arcticalu illoqarfinni nunaqarfinnilu taaneqartuni nassiussanik usingiarlunilu usilersorneqassaaq.
Tamatumunnga peqatigitillugu Siuana Arctica Upernaviup illoqarfianut aamma Aappilattumut angalassaaq taakkunanilu usingiarneqarlunilu usilersorneqassalluni.
Ingerlaarfissaq suli sikoqarmat Uummannallu nalaa suli sikuummat pilersaarutit allannguuteqarsinnaanerat sillimaffigeqquneqarpoq.
Malik Arcticap Avannaani sikunik aserorteraluni ikiuuttussaanera pissutigalugu Sisimiunut angalanermi 217-imi angalanissaa Irena Arcticamut nuunneqarpoq.
Tamatuma malitsigisaanik Irena Arcticap Paamiunut, Narsamut, Qaqortumut kiisalu Nanortalimmut aqqusaarnissaa ullormik ataatsimik kinguaattoorfiussaaq.
Irena Arctica kujammut ingerlaarnermini Nuuk aqqusaaqqissavaa imarpikkoortaatip kujammut angalanissaani nr. 218-imi avammut nassiussassat angumersisinnaanissaat qulakkeerumallugu.
Kujataani sikorsuaqarnera kiisalu Kitaata sineriaani silarlunnissaanik ilimasaarisoqarnera pissutigalugu angalanissamik pilersaarutit allannguuteqarsinnaanerat sillimaffigeqquneqarpoq.
Maleraq Arcticap, Siuana Arcticap, Malik Arcticap kiisalu Irena Arcticap angalanissaannut pilersaarutit www.ral.gl-ikkut atuarneqarsinnaapput.