Gassip puua uppittoorutigineqarmat kalerrisaarisoqartoq

Royal Arctic Linep Nuummi terminaleqarfiani gassip puuata uppittoorutiginera pissutigalugu pingasunngornerup ullaavani kalerrisaarut aallartinneqarpoq. Gassillu puuanit ataatsimit gassimik aniasoqarnera pissutigalugu upalungaarsimaniarnermut pilersaarutit malillugit iliuusissat aallartinneqarput, qatserisartut aggersarneqarlutik sumiiffimmiillu qimagussortitsisoqarluni. Gassip puua qatserisartunit isumannaarneqareerpoq Nuummilu terminaleqarfimmi sulineq aallarteqqinneqareerluni. Taamatut pisoqarnerani ajoqusertoqanngilaq.