Elite Sport Greenland Royal Arctic Linemit aningaasaliiffigineqarpoq

Royal Arctic Line Nunatsinni piukkunnaatillit pikkorivissortullu timersornermik aallussisut iluaqutissaannik Elite Sport Greenlandimut suleqatigiinnissamik isumaqatigiissuteqarpoq. Royal Arctic Linep timersortartut ineriartornissaat pingaartippaa, taamaammallu Elite Sport Greenlandip tapersersornissaa pissusissamisoortutut isigalugu.

• Kinguaariinni tullinnguuttussat Royal Arctic Linemi salliutikkusuppagut takusinnaagatsigit timersornermut piukkunnaatillit piginnaaneqartuusullu sungiusartarnermikkut anguniakkatik anguniarlugit tunniusimallutillu tamaviaallaqqissuusut. Ilikkartarpaammi sungiusarnissaminnut pilersaarusiornerit, ingerlanniakkanik aaqqissuussinerit aammalu allanik peqateqarnissaat. Taasat piginnaaneqarfigilerneri inuiaqatigiinnut iluaqutaajumaartut upperaagut, Ann-Britta A. Olsvig, Royal Arctic Linemi Attaveqaqatigiinnermut nittarsaassinermullu pisortaasoq, erseqqissaalluni oqarpoq.   

Timersornerup inuup piginnaaneqarneranut, piumassuseqarneranut aammalu imminut, avatangiisinut kiisalu timersornermut atatillugu akisussaassuseqarnermik pilersitsisartoq Royal Arctic Linemi aningaasaliisarnermut ataatsimiititaliami qularutiginngilarput. Tamakkulu pingaartitassat Elite Sport Greenlandimit sulissutigineqarput.

Elite Sport Greenlandimi siulittaasup, Nikolaj Christoffersenip Nunatsinni suliffeqarfiit pingaarutillit ilaannik suleqateqalerneq nuannaarutigaa.

• Royal Arctic Linemik suleqateqalerneq Elite Sport Greenlandip suliniuteqarneranut pingaaruteqarpoq. Tapiiffigineqarnerlu soorunami pingaaruteqarpoq ESG-ip suliniutaasa pitsaassutsimikkut qaffasissuunissaannut, ESG-mulli pingaaruteqarluinnarportaaq suleqatigisap Royal Arctic Linep inuiaqatigiinni pingaaruteqartumik inissisimasuunera. Suleqatigiinnitsigummi piukkunnaatilinnik pikkorivissortunillu siammasinnerusumik ineriartortitsinissatsinnut periarfissiivoq, tamannami ESG-ip periusissiamini nutaami nukittorsarumammagu. Taamaattumik Royal Arctic Linep tassani suleqatigilernera immikkut nuannaarutigeqaarput, ESG-mi siulittaasoq Nikolaj Christoffersen oqarpoq.  

Annertunerusunik paasiniaajumasut saaffigissavaat Elite Sport Greenlandimi siunnersorti Muusaarannguaq Ostermann-Søholm uku aqqutigalugit muusa@elitesport.gl / +299 348152 imaluunniit Royal Arctic Linemi Attaveqaqatigiinnermut Nittarsaassinermullu pisortaq Ann-Britta A. Olsvig +299 349104 saaffigalugu.