Avannaani qerititsiviit imaarneqarput
Qeqertani aamma Saqqami illut qerititsiviit ullut 14-init qaangiuttut imaarneqarput, kisianni Ivalu Arctica Oqaatsunut tikinnissaraluani sikuunera pissutigalugu taamaatiinnarpaa. Maannakkut Ivalu Arctica Oqaatsunut ingerlaarpoq nunaqarfiullu tikinnissaa misilinniarlugu, taamaalilluni qerititsivik ulikkaartoq imaarneqarniassammat aamma tamaani aalisartut aalisakkanik tulaassuinertik ingerlatseqqinniassammassuk.
Ukioq manna sikuunera immikkut unamminartoqartitsisimavoq Kitaata sikuanik pissuteqartumik. Ilaatigut Qeqertarsuup Tunuani illoqarfinnut tikinnissaagaluit pisinnaajunnaarsimapput. Sikuunera suli unamminartoqartitsivoq aamma tikiffissat aappaluttut Uummannamut kiisalu Upernavimmut tikinnissaat maannakkut sapaatit akunnerannik ataatsimik kinguartinneqarallarput. Tikinnissanut aappaluttunut tunngatillugu taakkua imatut paasineqassapput, taamaallaat Royal Arctic Line angalasinnaavoq sikoqarnerata aamma silap pissusiata aammattaaq usigineqartut amerlassusiisa tamanna pisinnaatippassuk. Taanna tikinnissatut aappaluttutut nalunaarneqarsimavoq Royal Arctic Linep angalanissamut pilersaarutaani www.ral.gl-imi takuneqarsinnaasumi.