Malik Arctica Qaanaamut tikippoq

Ukioq manna umiarsuaq siulleq Qaanaamut tikittussaq ullaaq apuuppoq. Siullertut siku Qaanaap eqqaanittoq umiarsuup aserorterpaa, tamatumalu kingorna Malik Arctica Siorapalummut ingerlaqqilluni. Siorapaluup eqqaani imaq sikoqanngimmat sullissineq tassani aallartinneqassaaq.
Royal Arctic Linep neriuutigaa Siorapalummi sullissisoqarnerani ulinnera/tininnera ilutigalugu Qaanaap eqqaa sikuerukkiartulissasoq. Suli sikoqarpallaassappat Malik Arctica Savissivimmut ingerlaqqaassaaq, sapaatip akunneratalu naanerani Qaanaaliaqqilluni.

Ukioq manna sikoqarnera Royal Arctic Linep umiarsuaataanut siullermik ajornartorsiortitsilinngilaq, kitaata sineriaani sikoqarnera illoqarfiit nunaqarfiillu tikinnissaannut aamma ajornartorsiortitsisimavoq.