Nuummi gate aamma quersuaq matoqqassapput
Nuummi anorersuarnissaa pissutigalugu aammalu anorersuarnerata nalaani sullissinissaq illersorneqarsinnaanngimmat aqagu pingasunngornermi januaarip 19-iani gate aamma quersuaq tunniussinissamut aallernissamullu matoqqassapput.
Containerinik (FCL-inik) tunniussinissamut ulloq killigitinneqartoq allanngortinneqarpoq, taamaalillutik containerit Bruarfoss angalaneq 203-mut aamma Irena Arctica angalaneq 151-imut ilaasussat tunniunneqarsinnaallutik kingusinnerpaamik sisamanngornermi januaarip 20-iani nal. 08:00 – 16:00.