Uuliamut aningaasallu nalinginut tapiliuttagaq appaqqissaaq
Uuliap akiisa aningaasallu nalingisa appariartornerat pissutigalugu Royal Arctic Linep uuliamut aningaasallu nalinginut tapiliuttagaq 2023-mi januaarip aallaqqaataanit atuutilersumik 13,47%-inut appartissavaa.
Tapiliuttagaq nuna tamalaani niuerfinni nukissiuutinut akit qaffakkiartornerisa malitsigisaanik 2022-mi nalinginnaanngitsumik qaffasissupilussuuvoq. Tapiliuttagarlu 2022-mi aggustimi qaffasinnerpaaffimminiikkami 30,73%-iuvoq.
Namminersorlutik Oqartussat aamma Royal Arctic Line avannamut assartukkanut tunngatillugu uuliamut aningaasallu nalinginut tapiliuttakkap annikillisinneqarnissaa pillugu qaammatini pingasuni atuuttussamik oktobarip qaammataani kiffartuussinissamik isumaqatigiissuteqarput, isumaqatigiissullu 2022-mi decembarip 31-ani atorunnaassaaq, tapiliuttagarlu taamaalilluni 2023-mi januaarip aallaqqaataanit atuutilersumik avannamut, kujammut sinerissamilu assartukkanut assigiimmik annertussuseqaqqilissaaq.
Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliuttagaq atortarpoq uuliamut akit aningaasallu nalingisa allanngoriartornerisa sunniutaannut ingerlatseqatigiiffik qajannaarsarniarlugu.