Nanoq Arctica Tasiilamut tikippoq

Nanoq Arctica igalaarpassuarnik pingaarnertut nassataqarpoq, septembarip qaammataani piterallarmat igalaat aseruatitertut taartissaannik. Igalaat taartissaasa pissarsiariniarnerat sivisummat pilersaarutit malillugit umiarsuarmut kingullermut angumersitinneqarsinnaasimanngillat, taamaattumillu Royal Arctic Line aalajangerpoq umiarsualeeqqinniarluni igalaat ukiorpallaartinnagu apuunneqarniassammata. Ukiup taamaalinerani Tunumut imaatigut angalanissaq nalorninartoqartuaannarpoq, taamaattumillu inuttat sulilluarnerannut qutsavigaagut umiarsuullu inuttaatalu silamik nalaarsilluarnerat nuannaarutigalugu.