Royal Arctic Linep naatsorsuuserinermut systemi nutaaq atulerpaa

Royal Arctic Linep ingerlatseqatigiiffiup naatsorsuuserinermut systemia tamarmiusoq sapaatip akunnerata naanerata ingerlanerani allamik taarserpaa. Tamannalu allannguutaavoq annertooq. Systemi nutaaq ippassaq ataasinngornermi apriilip 25-ani 2022 atulerpoq. Systemip nutaap aallartisarneqarnera atorneqalerneralu naatsorsuutigisatut maannamut ingerlavoq akiliutinillu tigooraasinnaavugut akiligassatsinnillu akiliisinnaalluta. Systemi nutaajummat akiliutit pillugit apeqqutit akinissaat ulluni siullerni marlussunni sivisunerulaarsinnaassaaq sapaatillu akunnerini siullerni akiligassiissusiortarnitta ilaa allaanerulaarsinnaassalluni.

Inniminniinissamut, assartuinermik akiliuteqarnissamut nassiussanillu tunniussisarnermut tunngatillugu allannguuteqanngilaq.

Naatsorsuuserinermi systemip nutaap systemi 2011-mi atorneqalersoq taarserpaa. Systemip nutaap atorneqalernerani Royal Arctic Linep siunissamut qulakkeerneqarnerata saniatigut Royal Arctic Linep pisiortornermik aqutsinera naatsorsuuserinermullu immikkoortortaqarfimmi suleriaatsit pitsaanerulersinneqarput. Pisiniarfigisartakkatta pisiortornerup assigiissaarnerusumik ingerlanneqarneranik misigisaqarnissaat naatsorsuutigineqarpoq, tamannalu pisiortornermut tunngatillugu tamanut allaffissornikkut aamma oqilisaataassalluni.