Mary Arctica – Qeqertarsuup Tunuata tikinniarnissaanut killiffik
Mary Arctica piffissami matumani kujammut illuarpoq kitaata sikuani maniillani maannakkuugallartoq ingerlaarfigineqarsinnaanngitsuni kiggigussaaratarsinnaanini pissutigalugu.
Royal Arctic Linep DMI qanittumik attaveqarfigaa, tassanngaanniillu qaammataasamit assilisanik silassamillu nalunaarutinik nutaanik ingerlaavartumik nassiussisoqartarpoq.
Maannakkuugallartoq naliliinerput malillugu nalunaaquttap akunnerini tulliuttuni 24-ni anorlernerani siku quppaatitersinnaavoq Mary Arcticalu ingerlaqqissinnaalissalluni, taamatullu aamma Aasiaat tungaannut ingerlaaqqilersinnaassalluni. Taamaammat aalajangerneqarpoq Mary Arctica nalunaaquttap akunnerini tulliuttuni 48-ni sumiiffimmiiginnassasoq Qeqertarsuullu Tunuanut ingerlaqqinnissamut periarfissanik utaqqilluni.
Sila pissutigalugu sumiiffik qulimiguulimmik qulaallugu angallavigineqarsinnaanngikkallarpoq, naak taamaaliortoqarnissaa pilersaarutaasimagaluartoq.