Maleraq Arcticamik atsiineq matoqqasumik ingerlanneqassaaq
Covid-19 pillugu killilersuinerit, ataasinngorpat juulip 19-ianut atuuttussanngortinneqartut pissutigalugit, Maleraq Arcticamik Uummannami atsiinissaq matoqqasumik aaqqissuussinermi ingerlanneqassaaq.
Nunaqarfiliartaatitaatsinnik atsiinitsinni Uummannami talittarfimmi innuttaasunut nuannatsitsinissaq pilersaarutaagaluarpoq, oqartussalli inunnik katersuutsitsisarnermut inassutigisaat pissutigalugit pilersaarutit allanngortinneqarput.
Taamaammat inuit ikitsuinnaat atsiinermi peqataassapput, taarsiullugulu aaqqissuussinermit arfininngorpat nal. 14:00-imit Facebookkikkut toqqaannartumik aallakaatitsissaagut.
Nunatsinni kikkut tamaasa kiisalu avataani soqutiginnittut Maleraq Arcticap arfininngorpat atserneqarneranik malinnaanissamut qaaqquagut. Umiarsuaatitsinnik atsiigaangatta annertuumik persuarsiorfiusaraluarpoq, neriuppugullu sapinngisamik amerlasuut internettikkut malinnaajumaartut umiarsuarlu inuttaalu ingerlalluarnissaannik kissaallugit.
Maleraq Arcticamik atsiisoqarneranit Royal Arctic Linep Facebookkimi qupperneratigut arfininngorpat juulip 16-iani nal. 14:00-imit toqqaannartumik aallakaatitsisoqassaaq.
Uummannami talittarfik atsiinerup nalaani matoqqatinneqassaaq, innuttaasulli illoqarfimmi sumiiffinnit allanit malinnaasinnaapput.
Royal Arctic Linellu innuttaasut kaammattorpai Covid-19 pillugu inassutigineqartut maleqqullugit.