Januaarip 21-ani nal. 14.00 matussaagut

Naammassisinnaasat kiffartuussinerlu qaffassarusullugit qarasaasiat pisinnaasaat Royal Arctic Linep nutartertuartarpai.

Nassiussassanik aqutsissutip LIMA-p pilersaarutaasumik nutarterneqarnissaanut atatillugu nassiussisarfinnut tunniussisarneq aallertarnerlu taamaalilluta matugallarniarlugu pilersaarpugut.

Nuummili containerinik tunniussisinnaaneq aallersinnaanerlu periarfissaassaaq, tamakkuninnga aqutsineq aqutsissut alla atorlugu ingerlasarmat, aamma allagartaq akuersissut aallernermi nassarneqassaaq.

Matusineq pilersaarutit malillugit pissaaq sisamanngornermi januaarip 21-ani, Nunatsinni nalunaaqutaq malillugu nal. 14:00-imit 21:00-ip tungaanut.

Piffissami tassani nassiussassanik tigusisinnaassanngilagut.

Poortukkanik allanillu nassiussassanik tunniussisinnaaneq aallersinnaanerlu nal. 14:00-imit Royal Arctic Linep nassiussisarfiini tamani pisinnaassanngilaq.

Nassiussisarfiit tamarmik nalinginnaasumik ammaqqissapput tallimanngornermi januaarip 22-ani nal. 08:00.

Nuummi gate containerinik tunniussinermut aallernermullu ammassaaq, nassiussat allagartaannik takutitsinikkut.