Umiarsualivinni akigititanik akillu allattorsimaffiinik naleqqussaaneq pillugu nalunaarut

Akit allattorsimaffiat umiarsualivinnilu akigititat akit allanngorarnerisa nalunaarsuutaat naapertorlugu Royal Arctic Linep Akinut allattorsimaffiani Umiarsualivinnilu akigititaani 01.01.2022-mit 2 %-inik tapiliussaqarnikkut naleqqussarneqassapput.

Januaarip aallaqqaataa aallarnerfigalugu tapiliussaq 2%-iusoq taamaalilluni naleqqussaaneruvoq akigititanut ukiumoortumik ilanngunneqartartoq aningaasartuutit qaffakkiartornerisa annertoqatigisaannik naatsorsorneqartoq.

Akit allattorsimaffiat nutaaq 2022-mut akinut 2%-inik naleqqussaanermik imaqartoq nassiunneqarpoq, qaammammilu uani kingusinnerusukkut Umiarsualivinni akigititanut tunngasoq nassiunneqarumaarluni. Akit allattorsimaffiannut 2022-mut akinik naleqqussaaneq kakkiullugu nassiunneqarpoq Royal Arctic Linellu nittartagaatigut aamma pissarsiarineqarsinnaalluni.

Containerinik attartortitsinermi akigititanik naatsorsuinermut tunngatillugu aaqqissuussaanikkut allannguuteqartitsineq

Umiarsuarnik containerinillu naammattunik pigisaqarnissaq Royal Arctic Linemut pingaaruteqarpoq, taamaaliornikkut inuiaqatigiinnut kalaallinut pilersuinerup isumannaatsumik ingerlanneqarsinnaanissaa sullitattalu assartuinikkut pisariaqartitaasa naammassinissaat qulakkeerumallugu. Containeriutittali sullitatsinnit terminalini aammalu sullitatsinni nassiussanut toqqorsivittut piffissami aalajangigaanngitsumi atorneqartartut nalaattarparput – tamannalu containeriutitta pitsaasumik ingerlaartinnissaannut aqutsinissamut attataqarnissamullu ajornakusoortitsisarpoq. Umiarsuaatileqatigiiffiullu containeriutaata naleqqutinngitsumik amerlisariaqarnissaannik tamatumalu kingunerisaanik aningaasartuuteqarnerunissaq pinngitsoortinniarlugu pingaaruteqarpoq containerinik atortorissaarutigineqartut nassiussat apuuffissaminnut apuunnerisa kingorna sapinngisamik sukkanerpaamik imaarneqartarnissaat Royal Arctic Linemullu utertillugit. Akigititat aaqqissugaanerisa allannguutaat akit allattorsimaffianni 1.1.2022-mit atuutilersumi atuarneqarsinnaavoq.