Tukuma Arctica ingerlaarfimmut aappaluttumut uterpoq

Tukuma Arctica maanna VSA (Vessel Sharing Agreement) tunngavigalugu ingerlaarfimmut aappaluttumut uterpoq, sapaatit akunneri pingasut missaanni aserfallatsaaliuilluni suliarineqarnermi kingorna.

Pilersaarut malillugu umiarsuaq imarpikkoorut ullaaq Nuummut tikippoq, maannalu sullitatsinnut nassiussat tunniussuunneqaleruttorput.  

Tukuma Arctica pilersaarut malillugu maajip aallaqqaataani Nuummiit aallassaaq, kingornalu tassa sapaatit akunneri tamaasa tallimanngornikkut Nuummut umiarsuaqartarnera atuleqqissaaq.