Naalakkersuisoq Royal Arctic Linemut pulaartoq

Naaja H. Nathanielsen, Ineqarnermut, Attaveqatigiinnermut, Aatsitassanut Naligiissitaanermullu Naalakkersuisoq, pingasunngornermi aggustip sisamaanni Royal Arctic Linemut pulaarpoq tassanilu umiarsuaatileqatigiiffik ilisaritinneqarpoq atuuffiilu oqaluttuarineqarlutik.

Naaja H. Nathanielsen, niaqorortinnaveeqqusisaartitaasoq aatsulersitaasimasorlu, Royal Arctic Linemi aqutsisutut suleqataasunik peqateqarluni umiarsualiviup pisortaanit Henrik Meinckemit Royal Arctic Linemilu Ingerlatsinermut pisortamit Ivalu Kleistimit Qeqertat umiarsualivianni angallanneqarpoq.

Kingorna Royal Arctic Linep pisortaqatigiivi aqutsisuilu umiarsuaatileqatigiiffiup killiffia pillugu ilisimatitsinissaminnut periarfissinneqarput, tassanilu ingerlaaqatigiinnermi tunngaviusut, taakkulu pilersuinerup isumannaatsuunissaanut, ajornaquteqanngitsumik allannguiffigineqarsinnaanerannut angusaqarluarsinnaanermullu iluaqutaanerat oqaluttuarineqarput. Aamma kalaallit nunatsinni ineriartortitsinissamut siuarsaaqataanissamut periarfissaqartitsinerat pingaartutut eqqartorneqarput. Ataatsimiinnerup ingerlanerani Naalakkersuisumit eqeersimaaqisumit apeqqutit akiortorneqarput.         

Pulaarnermut pitsaasumut oqaloqatigiinnernullu tapersersuiffiusunut Royal Arctic Line qujavoq.

Assit: Ann-Britta A. Olsvig