Malik Arctica Reykjavikimut ingerlaalerpoq

Malik Arctica orsersoriartorluni peqqumaatissanillu nutaanik aallerluni Reykjavikip tungaanut maanna ingerlaarpoq, Ittoqqortoormiinut ukiuuneranut peqqumaatissat apuunniarnerat usingiarniarnerallu sivisulaartumik suliarineqassasut ilimagigatsigu. Ittoqqortoormiinut ukiuuneranut peqqumaatissat apuunnissaat eqqarsaatigalugu suli isumalluarpugut, taamaattumik Malik Arctica sapaatip akunnerata tulliup aallartilaarnerani Tunumut utissaaq.

Ingerlaarfissamut suugaluartumut appakaannissatsinnik aalajangernialeraangatta pisut tamatigoortumik tamatigut isiginiartarpagut, massakorpiaq pissutsit ullunilu aggersuni pisussat ilanngullugit. 

Ittoqqortoormiini umiarsuup usingiarnera ullunik pingasunik sivisussuseqassangatipparput, tikinnissatsinnilu illoqarfimmut apississinnaaneq kisiat eqqarsaatigineq ajorparput, aamma umiarsuup isumannaatsumik inissisimanera isumannaatsumillu anillaqqissinnaanera ilanngullugit naliliiffigisarpagut. Ingerlaarnissamik aalajangerneq taamaattumik sila sikullu pillugit nalunaarutit piffimmilu isigisat kiisalu aamma inuttat, umiarsuup usillu isumannaatsuunissaat tunngavigalugit pisarpoq.