Tukuma Arcticap aqqartartut misissuinissaat utaqqivaa

Savalimmiuni sakkortuumik anorersuarnerata kingunerisaanik Tukuma Arcticap Torshavnimi talinnganerani pituutarsui kittorarput umiarsuarlu umiarsualivimmi sannikarluni inissisimalerluni. 

Sila atoruminarseriarpat umiarsuaq aqqartartumit misissorneqassaaq ajoqusersimanersoq nalilersuiffigineqassalluni. Tamatumalu sapaatip ingerlanerani pisinnaanissaa naatsorsuutigineqarpoq. 

Umiarsuaq Aarhusimut arfininngornermi ullaakkut ingerlaqqittussaagaluarpoq, pisorli pissutigalugu kinguaattoortussanngorluni. Nassiussanik tigusisussat pisumit eqqorneqartut nassiussat qaqugukkut tunniunneqarnissaat pillugu ataasinngorpat ilisimatinneqarumaarput.

Inunnik ajoqusertoqanngilaq aamma uuliamik aniasoqarsimaneranut maannakkorpiaq takussutissaqanngilaq.