Tukuma Arcticap angalanini nangissinnaanngorpaa

Tukuma Arcticap pituutarsuisa tallimanngormat unnukkut sakkortuumik anorersuarnerani kittorarnerisigut umiarsuaq Torshavnip umiarsualiviani sanneqqalluni inissisimareerluni sapaammi ullaap tungaani Savalimmiuni nalunaaqutaq malillugu kalinneqarluni talittarfimmut utertinneqarpoq.

Umiarsuaq maanna usilersorneqaleruttorpoq aallannginneranilu umiarsuup timitaanik annikitsumik iluarsaassisoqassaaq.

Tukuma Arcticami ajoqusernerit annikitsuupput. Iluarsaassinerillu pilersaarutit malillugit ingerlassappata Tukuma Arcticap Aarhusimut sapaammi unnukkut ingerlaqqissinnaanissaa naatsorsuutigineqarpoq, usilersorneqareerpat iluarsaassinerillu naammassineqareerpata.

Maanna suliarineqartut naammassineqariarpata Torshavnimiillu qaqugu aallarnissaq paasinarseriarpat, angalanissamut pilersaarut nutartigaq nassiunneqarumaarpoq.