Siuana Arctica Royal Arctic Linemut tunniunneqarpoq
Nunatta Avannaani nunaqarfiliartaatissaq 67 meterisut takitigisoq Siuana Arctica sisamanngornermi novembarip 26-iani Royal Arctic Linemut tunniunneqarpoq.
Siuana Arctica 2021-mi maajip qaammataaniit Uummannap pigisaani ingerlaarfeqassaaq Upernaviup pigisaata – Siuana Arcticap ”suliffigisassaata” - upernassami/aasami sikuerunnissaata tungaanut.
Siuana Arctica nunaqarfiliartaatinit nutaanit tulliuttunit pingasunit, tassa Maleraq Arcticamit, Tilioq Arcticamit Arpaarti Arcticamillu siullersaalluni tunniunneqarpoq.
Nunaqarfiliartaatit taakku tamarmik Nunatsinni avinngarusimasunut tamanut pajuttaatitut atussapput. Umiarsuit anginerumaat, Irena Arctica, Malik Arctica aamma Mary Arctica, Nuummiit Avannaanut Kujataanullu pajuttuupput – Nuummullu tikittartut tassaallutik imarpissuakkoortaatit Tukuma Arctica Eimskipillu umiarsuaatai Dettifoss aamma Brúarfoss. Nanoq Arctica, Tunup Islandillu akornanni ingerlaarfeqartussaq, Tasiilami aaliangersimasumik umiarsualiveqareerpoq.
Siuana Arcticap decembarip ingerlanerani umiarsualiorfik sananeqarfini Zamakona Spaniap avannaatungaaniittoq qimassavaa Aalborgimullu aallarluni, ukiortaareerpat Nunatsinnukartinnani tassani piareersarneqassalluni.