Sila sikullu ajornartorsiortitsipput

Nunaqarfiliartaatit: Vestlandia (orange), Minik Arctica (qorsuk qaamasoq) Pajuttaat (tungujortoq taartoq) Anguteq Ittuk (aappaluartoq) Ivalo Arctica (tunguusaq) Aqqaluk Ittuk (kajortoq)

Nunatta ilaani sila sikulu ajornartorsiortitsipput ilaanilu allami nassiussarpassuit teknikikkullu ajutoornerit unammilligassaqartitsillutik. 

Sapaatip akunnerani uani umiarsuit uku pillugit nalunaarutissaqarpugut:

Vestlandia angalaneq 044A, ingerlaarfik orangia, pilersaarutinut naleqqiulluni sapaatip akunneranik ilivitsumik kinguaattooqqavoq, pilersaarutillu malillugit tikiffissanut eqqortunut uterniarluta angalanerit marluk ataatsimoortippagut, angalaneq VES043 (043 ullunik pingasunik kinguaattooqqaffiuvoq). Taamaalilluni angalaneq 044 taamaatinneqarpoq.

Umiarsuaq Qasigiannguaniippoq Upernaviullu nunaqarfiinut tamanut apuussassanik, Kullorsuaq kisiat minillugu, usilersorneqarpoq. Vestlandiap angalanissaanut pilersaarut uani takuneqarsinnaavoq: Vestlandia 

Minik Arctica, ingerlaarfik qorsuk qaamasoq, Qasigiannguaniippoq Kullorsuarmukartussanik usilersorneqarluni. Nassiussat amerlanerat silallu ajornera pissutigalugit umiarsuaq kinguaattooqqavoq. Minik Arcticap angalanissaanut pilersaarut uani takuneqarsinnaavoq: Minik Arctica   

Pajuttaat, ingerlaarfik tungujortoq taartoq, maanna Qaarsuni usingiarneqarpoq, Uummannallu nunaqarfiinut nassiussat amerlanerat, ingerlaarfissami iluliaqarnera silarlunneralu pissutigalugit ullunik 6-inik kinguaattooqqalluni. Pajuttaatip angalanissaanut pilersaarut uani takuneqarsinnaavoq: Pajuttaat

Anguteq Ittuk, ingerlaarfik aappaluaartoq, maannakkorpiaq kivitsissutiminik ajutooqqalluni Aasianniippoq, kivitsissutip kingoraartissaanik utaqqilluni. Anguteq Ittuup angalanissaanut pilersaarut uani takuneqarsinnaavoq: Anguteq Ittuk 

Ivalo Arctica, ingerlaarfik tunguusaq, maanna Nuummiippoq. Pilersaarutit malillugit aallarnissaa naatsorsuutigineqarpoq. Ivalo Arcticap angalanissaanut pilersaarut uani takuneqarsinnaavoq:   Ivalo Arctica  

Aqqaluk Ittuk, ingerlaarfik kajortoq, Qaqortumi massakkut usilersorneqarpoq, pilersaarutillu malillugit aallarnissaa naatsorsuutigineqarluni. Aqqaluk Ittuup angalanissaanut pilersaarut uani takuneqarsinnaavoq: Aqqaluk Ittuk