Ingerlatsinermi paasissutissiineq

Umiarsuit imarpikkoortaatit nutaat tunniunneqarnissaasa kinguaattoorutigineqarnerat ilaatigut pissutigalugu, Eimskipimik ingerlaaqateqalernissap 2020-mi ukiup sisamararterutaanut siullermut kinguartinneqarnera Royal Arctic Linep nalunaarutigeqqammerpaa. Tamatuma saniatigut ingerlaaqateqalernissaq pillugu Samskipip suliareqqitassanngortitsinera aamma Islandimi aalajangiiffigineqaqqammerpoq.

Naammagittaalliuteqartarfiup aalajangiinera pitsaasumik ineqarpoq ingerlaaqateqalernissarlu ingerlatiinnarneqarsinnaavoq.

Ingerlaaqateqalernissap 2020-mi ukiup sisamararterutaanut siullermut kinguartinneqarnerata malitsigisaanik umiarsuit angalanissaannut pilersaarutaagallartoq aallaavigisassarput kakkiullugu nassiupparput. Umiarsuit angalanissaannut pilersaarut ukiup sisamararterutaanut siullermut tamarmut atuutissaaq, umiarsuillu angalanissaannut pilersaarutip nutaap, ilaatigut ingerlaaqateqalernermi allannguutinik imaqartup, nalunaarutigineqarnissaata tungaanut atorneqassaaq.

• Malugiuk ukiup sisamararterutaani siullermi, angalanermit 1949-mit aallartittumik ingerlaaqateqalernerullu ukiup sisamararterutaata siulliup ingerlanerani atuutilernissaata tungaanut angalanerit ullunik 9-kkuutaalerlutillu 12-ikkuutaalissammata.
• Malugiuk umiarsuit Qeqertarsuup tunuani misiligutaasumik aqqusaartarnissaanni 2020-mi ukiup sisamararterutaani siullermi sapaatit pingasukkuutaarlugit misiliisoqartassammat.
• Malugiuk umiarsuit feederit feederimit ataasiinnarmit isumagineqassammata.

Umiarsuit angalanissaannut pilersaarut 2020-moortoq Naalakkersuisunit suli akuersissutigineqanngilaq, taamaattumillu inaarutaasuunani. 2020-mut akuersissuteqartoqariarpat soorunami tamanna nalunaarutigiumaarparput, soorlu aamma ingerlaaqateqalernissamut ulloq aallartiffissaq paaseriarutsigu, umiarsuillu angalanissaannut pilersaarut pingaarneq nutaaq inissinneqariarpat tamanna nalunaarutigiumaaripput. Tamatuma 2020-mi ukiup sisamararterutaata siulliup ingerlanerani pinissaa ilimagaarput.

Tamatuma sullitatta Royal Arctic Linekkut assartugassaatiminnik pilersaarusiornerannut pisarissersuutaasinnaanera ajuusaarutigaarput. Ugguarpugullu 2019-imi decembarip arfernani aallartittussamik pilersaarutaasoq ajoraluartumik iluatsinngitsoormat.

Annertunerusumik paasisaqarusukkaanni, Royal Arctic Linep Nuummi kiffartuussivia attavigineqarsinnaavoq: kundeservice@ral.gl, oqarasuaat: +299 70 15 00 – Aalborgimi kiffartuussivik: bookingaalborg@ral.dk, oqarasuaat: + 45 99 30 30 99

Allannguuteqartoqarsinnaanera sillimaffigineqassaaq.

Inussiarnersumik inuulluaqqusilluta
Royal Arctic Line