ISPS-imik sungiusarneq kinguaattoortitsisinnaasoq

Aqagu pingasunngornermi oktobarip 16-iani 2019 Qeqertanut 46-mi umiarsualivimmi Royal Arctic Linellu terminaliani ISPS-imik sungiusarneq annertooq, International Ship and Port Security Code, ingerlanneqassaaq, ISPS-imik upalungaarsimaniarneq misilittarneqassalluni.

Umiarsuarnut, umiarsualivinnut oqartussanullu isumannaallisaanikkut aaqqissuussinernut minnerpaaffissat ISPS-ikkut aalajangersarneqartarput, sungiusarnermilu Sikuki, Politiit Namminersorlutillu Oqartussat  peqataassapput. Tamatuma malitsigisaanik Royal Arctic Linemi sulisut suliffeqarfiullu sullitai isertut nakkutigineqarnerat annertusineqassaaq, ilaatigut isertarfimmi inunnik kinaassutsimullu uppernarsaatinik (ID) kiisalu nassiussassanik nakkutilliisoqassalluni.

Isertunik nakkutilliinerup annertusineqarnerata tunniussinermi tigusinermilu kinguaattoortitsinnaanera naatsorsuutigineqassaaq.