Minik Arcticap angalanissaa kinguartinneqarpoq

Kitaata sikua peqqutaalluni Minik Arctica angalaneq nr. 1903 Nuummiiginnarpoq, umiarsuaq pilersaarutit malillugit Nuummiit Aasiannukartussaagaluarpoq, tassani 1. februar aallarnerfigalugu Aasianniit Qeqertarsuup tunuani angalasussaalluni.

Tamanna isumaqarpoq Minik Arctica Nuummiiginnassasoq, Aasiaat eqqaani sikumik aporfeqarunnaarnissap tungaanut.

Nassiussat Minik Arcticap angalanermi nr. 1903-mi usigisassaralui angalanermut tullermut nr. 1906-imut nuutsinneqassapput.

Malugeqquarput Minik Arcticap angalanissai nr. 1903, 1906, 1909, 1912, 1913, 1915 aamma 1916 aappalaartumik allaqqammata, tassa imaappoq angalanissat immap sikoqassusaa silallu qanoq innera apeqqutaallutik ingerlanneqarsinnaassammata.