Royal Arctic Linemi underdirektøri nutaaq
Royal Arctic Linemi apriilip aallaqqaataa 2019 aallarnerfigalugu Ivalu Kleist Pisortaqatigiit ataanni underdirektøritut inissippoq, taamalu Royal Arctic Linep umiarsualiviini kiisalu umiarsuit ingerlaarfiinut tunngatillugu nunami ingerlatsinernermik attuumassutilinnut akisussaasuussaffeqalerluni. Ivalu Kleistip sulinermini taaguut COO (Chief Operating Officer / Operationschef) pigilissavaa Nuummilu qullersaqarfimmi allaffeqassalluni.
Ivalu Kleistip Royal Arctic Linemi sulinini 1998-imi ilinniartutut aallartippaa, angallassineq ataqatigiissaarinerlu ukkataralugit akademiøkonomitut ilinniarsimavoq tamatumalu kingorna umiarsuaatileqatigiiffimmi atorfiit assigiinngitsut Nuummi Maniitsumi aammalu Nuummi Royal Arctic Havneservicemi sulisimalluni. Ivalu Kleist 2015-imiilli umiarsuaatileqatigiiffiup aqutsisoqatigiivini peqataalerpoq atuisunut kiffartuussivimmi sulianut immikkut ittunut akisussaalluni, 2017-imiillu umiarsuaatileqatigiiffimmi atuisunut kiffartuussivik tamaat akisussaasuunertut inissisimaffigalugu. 2019-ip aallartinnerani Ivalu Kleist Royal Arctic Linemi tuniniaanermi pisortatut (COO-tut) akisussaasunngorpoq.