Sapaatip-akunnerata naanerani umiarsuit angalanissaannut pilersaarut nutaaq atuutilerpoq.
Umiarsuit angalanissaannut pilersaarusiami nutaami ilaatigut aamma umiarsuaq Tysklandimi Bremerhaven-mut tikittalissaaq, tamannalu toqqaannartumik avammut nioqqutissanik angallassisinnaanermut, aammalu toqqaannartumik nioqqutissanik eqqussisinnaanermut periarfissanik ammaassissalluni
Nuummiit aqqusaarneqartalissapput Reykjavík, Reydarfjordur, Thorshavn, Bremerhaven, Helsingborg aamma Aarhus, Nunatsinnullu ingerlaarnermi Aarhus aamma Reykjavik aqqusaarneqartassallutik.
Allannguuteqartoqarnerata kingunerisaanik umiarsuaq siusinnerusukkut, sisamanngornikkut, Nuummut tikittalissaaq. Taamaalilluni sapaatip-akunnerata naannginnerani nioqqutissanik tikittoqartalernissaanik niuertut kissaataat piviusunngussaaq. Tamatumalu kingunerisaanik aamma umiarsuit sinerissami ingerlaartartut kinguaattoorsinnaanissaat annikillisinneqassaluni.
Royal Arctic Linep umiarsuaataa Tukuma Arctica siullermeerluni Bremerhavenimut aqqusaassaaq marsip aqqarnganni 2024.
Taamatuttaaq aamma Tasiilami tunisassiortuniit Nanoq Arcticap umiartorfissaatillugu Reykjavikkimiit Tasiilamut siusinnerusukkut tikittalernissaa kissaataasimaqisoq tusaaniarsimavarput.Taamaattumik Reykjavikkimiit aallarfissaq marlunngornermut siuartipparput, tamannalu isumaqarpoq umiarsuaq sisamanngornermi Tasiilamut tikittalissasoq taamaalillutik sapaatip-akunnerata naannginnerani pisiniarfinni pisiassat pisiarineqarsinnaasalissallutik
Assimi takuneqarsinnaapput Bremerhaven-mut nassiussassat siulliit ilaat.
