Pasinapiluttunik kalerriisoqarsinnaatitsineq

Suliffeqarfittut akisussaassuseqarnissarput ammasumillu suleriaaseqarnissarput Royal Arctic Linemi sulissutigaarput. Tatigeqatigiiffiusumik kultureqarnissarput kissaatigaarput, ernumassutigineqartut toqqissisimanartumik saqqummiunneqarsinnaassallutik – pitsaanngitsumik qisuariartoqarnissaa annilaangassutiginagu

Taamaattumik pasinapiluttunik kalerriisoqartitsisinnaanermik aaqqissuussaqarpugut, sulisut, sullitat, siulersuisunut ilaasortat allallu pissutsit ilungersunartut pillugit nalunaaruteqarfigisinnaasaannik.

Tamannalu, kissaatigigaanni, isertuussamik – kinaassutsimillu isertuussilluni pisinnaavoq.

Paasissutissat amerlanerusut, Pasinapiluttunik kalerriisoqarsinnaatitsinermut politikkitsinni atuarneqarsinnaapput:

Pasinapiluttunik kalerriisoqarsinnaatitsinermut politikki

whistleblowerportal

Serene view of icebergs floating in the calm waters of Jokulsarlon Lagoon, Iceland.

Apeqqutigineqakkajuttut

Sunik nalunaaruteqarsinnaavit?

Aaqqissuussineq atorsinnaavat suliffeqarfimmi ajornartorsiutinik ilungersunartunik tunngavilersorsinnaasannik pasitsaassaqaruit.
Assersuutigalugu tassaasinnaapput:
– Inatsisinik suliffeqarfiulluunniit iluani malittarisassanik unioqqutitsineq
– Sulinermi avatangiisit isumannaallisaanerlu pillugit malittarisassanik unioqqutitsineq
– Peqquserlunneq, akiliilluni peqquserlutsitsiniarneq allatigulluunniit aningaasatigut pinerlunneq
– Aningaasanik pigisanilluunniit nalilinnik atornerluineq
– Paasissutissat isumannaallisarneqarnerini kukkunerit ilungersunartut
– Avatangiisinik mingutsitsineq
– Kinguaassiutitigut kannguttaatsuliorneq, pimmatiginninneq imaluunniit suliffeqarfimmi pissutsit ilungersunartut allat.

Imatut ingerlatsisoqartarpoq

Nalunaarutiginninnerit attaveqaat avataaneersoq arlaannaanulluunniit attuumanngitsoq aqqutigalugu pisarput.
Attaveqaammi makku pisinnaapput:
– Kinaassutsimik isertuussilluni isertuussamillu nalunaaruteqarneq
– Suliakkiissutigisannut malitseqartitsisinnaavutit paasissutissanillu ilassuteqarsinnaallutit
– Paasissutissat amigarpata ilisimatinneqassaatit

Isertuussineq illersuinerlu

Suliat tamarmik isertuussamik ingerlanneqassapput. Akiniartinnissamut allatigulluunniit pitsaanngitsumik kinguneqartitsisoqarnissaanut illersugaassaatit.

Aaqqissuussinerup siunertaa

Kukkunerit ilungersunartut aammalu inatsisinik unioqqutitsinerit paasineqarnissaat unitsinneqarnissaallu aaqqissuussinikkut siunertarineqarpoq.
Ammasumik suleriaaseqarluni, akisussaassuseqarluni ilinniarnissamillu kultureqarnermik tapersersuivoq.