Royal Arctic Line A/S

Royal Arctic Line Namminersorlutik Oqartussanit pigineqarpoq Kalaallit Nunaannullu tassanngaanniillu, aamma illoqarfiit nunaqarfiillu akornanni usinik assartuussinissamut kisermaassissummik tunineqarsimalluni. Ingerlatseqatigiiffik 735-t miss. sulisoqarpoq Kalaallit Nunaanni terminalini 13-ini, Nuummi qullersaqarfimmi, kiisalu Aalborgimi Aarhusimilu immikkoortortaqarfinni agguataarsimasunik Flåden består af 10 skibe.

Uagut pilluta

Inuit pinngortitarlu ukkataralugit Kalaallit Nunaata nukittuumik inissisimanissaa sulissutigaarput. Usit illoqarfinnut nunaqarfinnullu apuunneqarnissaat qulakkeerparput. Ulluinnarni sulinitsinni sulisutta ingerlatseqatigiiffimmut inuiaqatigiinnullu iluaqutaasussamik ineriartortinnissaannut tunngavoq.

Sullitavut soqutigisaqartullu qanimut suleqatigalugit inuiaqatigiinnut kalaallinut naleqalersitsinissaq anguniagaraarput. Ingerlatsinitsinnik pitsanngorsaajuarpugut Kalaallit Nunaata pilersorneqarnerata siunissamut isumannaarnissaanut aningaasaqarnikkut toqqammavissaqarnissaq qulakkeerniarlugu.

Royal Arctic Line suleqataaffigiuk

Suliffeqarfitsinni imarsiorlutit, umiarsualivimmi allaffimmiluunniit sulilersinnaavutit. Sulisut ilinniartullu ingerlatsinermik, pitsaassutsimik ineriartornermillu qulakkeerinneqataarusuttut inissaqartippagut.

Suliffissat aamma ilinniartitaaneq

Inuiaqatigiinnut akisussaassuseqarneq

Royal Arctic Linep Kalaallit Nunaat nunarsuup sinneranut atassuserpaa, attaveqaasersuutillu inuuniarnermut pingaarutillit qulakkeerlugit. Ingerlatseqatigiiffik Namminersorlutik Oqartussanit pigineqarpoq taamatullu inuiaat kalaallit piginnittoralugit. Pinngortitamut avatangiiserisatsinnut inuinullu akisussaaffimmik tigusivugut.

735-t -miss. sulisoqarpugut, taakkunanngalu 10 %-it missaat ilinniartuupput sungiusaatigalugulu sulisut Kalaallit Nunaanni suliffeqarfissuartut immikkut pisussaaffigaarput nunatsinni innuttaasut ineriartortinneqarnerat suleqataaffigissallugu, nunarpullu tamakkerlugu piginnaasanik ataatsimooqatigiinnernillu nukittorsaassalluta.

Kalaallit Nunaanni inoqarfinnik tamaginnik sullissinissamut pisinnaatitaanitta pisussaaffeqarnittalu malitsigisaanik nunap immikkoortui atassusersorpagut Nunatta nunat tamalaat akornanni niuernermi inissisimaffeqarnissaa qulakkeerlugu.

Akisussaassusilimmik aqutsinikkut ingerlatsinitsinnik pitsanngorsaavugut Nunatsinnut iluaqutaasussamik Inatsisit atuuttut, ileqqorissaanissamut sinaakkusiussat naapertorlugit ammasumik ingerlatsivugut sullitavullu aamma piginnittuvut qanimut oqaloqatigisarlugit.

Najukkani inuiaqatigiinnut tapersersuineq – aningaasatigut tapersuinerit

Meeqqanut inuusuttunullu sammisaqartitsinernut, kulturimut timersornermullu aammalu pissakitsunut ilinniartunullu tapersersuinissamut aningaasassanik ukiut tamaasa immikkoortitsisoqartarpoq Tapersersuilluni aningaasaliissuteqartarnermut ataatsimiititaliaqarpoq sulisunik immikkoortortaqarfinni assigiinngitsuneersunik inuttalerneqarsimasumik Taakkulu peqatigiillutik qinnuteqaatit tiguneqartut ingerlaavartumik isummerfigisarpaat. Tapersersuilluni aningaasaliissuteqartarnermut ataatsimiititaliami qaammammut ataasiarluni ataatsimiittoqartarpoq juulip qaammataa minillugu.

Atuaruk

Ingerlatseqatigiiffimmik aqutsilluarneq

Naalakkersuisut aqutsinermut allagaataat oktobarip 7-iani 2024-meersoq naapertorlugu ingerlatseqatigiiffinni aqutsilluarnissamut sinaakkusiussat erseqqissut najoqqutaralugit Royal Arctic Line ingerlatsivoq. Allagaat pineqartoq ingerlatseqatigiiffiup aqutseriaasianut toqqammavigineqarpoq piginnittuunermullu eqeersimaartumut akisussaassuseqartumullu tapersersuilluni.

Soqutigisaqartuvut ingerlatsinitsinni qitiusumik inissisimapput. Ammasuunissaq, ersarissuunissaq erseqqissumillu attaveqaqatigiinnissaq salliutipparput, ingerlatsinitta ineriartornittalu sullitatsinnit, suleqatigisartakkatsinnit inuiaqatigiinniillu paasisimasaqarfiginissaa siunertaralugu.

Siulersuisut aamma pisortaqatigiit

Royal Arctic Linep aqunneqarnera ingerlatseqatigiiffiup siulersuisuinit, pisortaqatigiivinit aqutsisuniillu allanit isumagineqarpoq Aqutsisoqatigiit, atuuffigisaat piginnaasaqarfigisaallu allat pillugit paasissutissat uani atuarneqarsinnaapput:

Atuaruk