Akiliutit, akit usillu suuneri
Royal Arctic Linep assartuussisarneranut assigiimmik akeqartitsineq atorneqarpoq.
Taamaattumik nunatsinni suminngaanniit imaluunniit sumut nassiussinerit apeqqutaatinnagu akigitinneqartoq ataasiinnaavoq.
Akit, akiliutit aammalu usinik qanoq ittunik suliaqartarnitsinnut paasissutissat quppernermi uani atuarsinnaavatit.
Apeqqutissaqaruit ikiorneqarnissannilluuunniit pisariaqartitsiguit saaffigisinnaajuaannarpatsigut.
Assartuinermi akigititat
Royal Arctic Line aqqutigalugu usinik assartuinermi akigitinneqartoq imaatigut assartuussinermik, nassiussalerinermik aamma sullissinermut inatsisitigullu pisussaaffilikkamik akiliutinik katitigaavoq.
Containerit
Assartuinissaq sioqqullugu, containerimik imaqanngitsumik tunniussisoqassappat inniminniinermut normumik pilersitsisoqassaaq containermut kissaatigineqartumut atassuserneqartumik
Containerit, assartuinermut atugassaanngitsumik attartorneqartut, sullitamut toqqaannartumik nalunaarsorneqartarput attartornerlu erngertumik atuutilersarpoq.
Containerinik inniminniineq sullitanik kiffartuussivimmut saaffiginninnikkut pissaaq
Sullitanik kiffartuussiviup attaveqarfiginissaanut paasissutissat
Usit suuneri
Usit assigiinngitsut suussusaat najoqqutaralugit malittarisassat assigiinngitsut malillugit assartorneqartarput. Usit suussusaat assigiinngitsut pillugit paasissutissat ataani nassaarisinnaavatit. Nalornissuteqassagaluaruit saaffiginissatsinnut tikilluaqqusaavutit.
Usit navianartut
Inniminniinissamut piareersimavit?
Royal Arctic Line atorlugu nassiussiniaruit tamatumunnga inissamik inniminneeqqaassaatit.
Inniminniinermut immersugassaq atorlugu imaluunniit inniminniisarfimmut saaffiginnillutit inissamik inniminniisinnaavutit.
Tapiliuttakkat atuuttut
BAF/CAF-imut tapiliuttagaq januaarimi atuuttoq 10 %
ETS-imut tapiliuttagaq januaarimi atuuttoq 0,62 %
Uuliamut aningaasallu nalinginut tapiliuttagaq (BAF/CAF) suua?
Uuliap akiata aamma aningaasat nalingisa (USD) allanngorarnerisa kigunerisaannik assartuinermut akigititap saniatigut tapiliuttagaq akilerneqartussaavoq. BAF/CAF uuliap akiata, aningaasat nalingisa aamma kingusinnerusukkut aningaasartuutissaq tunngavigalugit naatsorneqartarpoq.
Tapiliuttagaq Royal Arctic Linep uuliamut nunallu aningaasaannut niuerfimmi akiliutigisassaanik tunngaveqarpoq. Kisitsisit atuuttut kingumut naatsorsugaasarput. BAF/CAF imaatigut assartuinerup, umiarsualivimmi nassiussiffiusumi nassiussalerinerup aamma umiarsualivimmi tigusiffiusumi nassiussalerinerup nalingat procentinngorlugu akiligaassiissummi allaqqavoq.
Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliut atortarpoq uuliamut akit aningaasallu nalingisa annertuumik allanngorarnerisa sunniutaannut ingerlatseqatigiiffik qajannaarsarniarlugu.
ETS suua?
ETS tassaavoq CO2-mut akitsuut EU-mit eqqunneqartoq, umiarsuaatileqatigiiffiit CO2-mik annikinnerusumik aniatitsisalernissaannut kajumilersinnissaannik siunertaqartoq.
Tamatuma malitsigisaanik usinut EU-meersunut aamma nunanit EØS-imeersunut tamanut paarlattuanillu CO2-mut akitsuummik akiliuteqartoqassaaq. Tamannalu aamma Imarpik ikaarlugu usinik assartuinermut atuuppoq.