Igasumik tunniusimasumik aalajangersimasumillu atorfinittussamik, igaffimmi pisortaq igaffimmilu sulisut allat peqatigalugit Sarfaq Ittummi ilaasunut inuttanullu nerisassatigut misigisaqartitsilluarusuttumik pissarsiorpugut.
Suleqatigiit tunniusimasut persuarsiunngitsullu ataatsimoornermik suliatigullu siunersiueqatigiinnermik pingaartitsisut suleqataaffigilikkit.
Allat sulinngiffeqarnerisa nalaani suligit.
Kalaallit Nunaata pinngortitarsuani alianaatsorsuarmi sulilissaatit qaasuitsup killeqarfiata nalaani misigisassat immikkuullarissut toqqaannartumik misigisaqarfigisinnaallugit, soorlu arsarnerit, arferit, iluliarsuit, aamma Kalaallit Nunaanni kulturi qanimut misigisinnaavat imarsiorlutillu sulininni puigunngisaannagassannik misigisaqarlutit.
Taamaattumik nerisassiorneq uummateqarfigalugulu soqutigilluinnarukku, avatangiisinilu nunallu ilusaanni immikkuullarissuni iluliarsuit akornanni allaanerusumik suliffeqarnissannik takorluugaqaruit, aammalu akisussaaffeqartitaaneq sullissilluarnissarlu nuannarigukkit – ulluinnarnilu assigiinngiiaartunik suliaqarfiusumi ulapiffiusumilu imarsiorluni sulineq ilinnut kajumilersitsippat – taava immaqa illerpiaq ujartugarivatsigit.
Suleqatigiilluartut Kalaallit Nunaata kitaa tamaat sinersorlugu ilaasunut ullut tamaasa nerisassiortartut suleqataaffigilissavatit.
Sarfaq Ittuk uani paasisaqarfiginerusinnaavat:
Umiarsuarmi – Sarfaq Ittummut ilaalluni angalanermi paasissutissat pingaarnerit (aul.gl)
Suliassatit
- Umiarsuarmi nerisarfinnut/inuttat nerisarfiinut ulluinnarni nerisassanik nillataartunik piareersaaneq suliaqarnerlu – igaffimmi pisortaq suleqatigalugu
- Malitassanik, najoqqutassanik aammalu suleriaasissanik malinninneq
- Nioqqutinik pisiassanik pilersaarusiorneq, inniminniineq aqutsinerlu
- Inatsisini piumasaqaatit atuuttut malillugit nammineerluni nakkutilliisarneq
- Nioqqutinik tigooraaneq
- Umiarsuup igaffiani eqqiluisaarnermik eqqiaanermillu qaffasissumik pitsaassusilimmik qulakkeerinninnissaq
Piginnaaneqarfiit
- Umiartornermut uppernarsaat aamma peqqissutsimut uppernarsaat (tamatumunnga aningaasartuutit akilissavagut)
- Igasutut imaluunniit neqaarniatut gastronomisk fagbreveqarneq
- Umiarsuarnut sinersortaatinut STCW-mut uppernarsaatit (iluaqutaassaaq, piumasaqaataanngilarli)
- Danskisut skandinaviamiusulluunniit paasisinnaavutit oqalussinnaallutillu. (Kalaallisut/Tuluttut/Tyskisut oqalussinnaaguit iluaqutaassaaq piumasaqaataanngilarlu)
Igasoq ujartugarput tassaavoq
- Qiimasoq, piumassusilik sulilluartorlu aammalu suleqatiginnillaqqissoq
- Ullormut agguaqatigiissillugu akunnerni 10-12-ini timikkut ilungersornartumik sulilernissamut piareersimasoq
- Imarsiorsinnaalluartoq
- Akisussaaffeqartitaalluni namminersorluni sulisinnaasoq
- Pitsaassutsimik pingaartitsisoq sullissillaqqissorlu
- Igaffimmi inuttallu sinnerinut suleqatigiilluarnissamut peqataasinnaasoq
- Aalajaatsuunissaq tatigisassaanerlu pingaartinneqarput
Neqeroorutigaagut
- Isumaqatigiissutit tunngavigalugit akissarsiat akileraarutitaat pillugit aaqqissuussineq pitsaasoq (GIS) – pikkorissarnerillu atorfimmut pisariaqartinneqartut
- Suliffik ulapaarfiusoq allanngorartunillu suliassaqarfiusoq
- Umiarsuarmi isikkivigissaartumi ataatsimooqatigiilluarneq
- Sap. ak. 4-6-ini angalaneq / sap. ak. 4-6 sulinngiffeqarneq, angalanermi sulinngiffeqarnermilu akissarsiat assigiit
- Sulisumut eqqortumut umiarsuaatileqatigiiffimmi suliffeqarnikkut periarfissat pitsaasut
Qinnuteqaat
Qinnuteqaat aamma CV nassiunneqassapput uunga: Imaq@ral.gl
Qinnuteqaatit ingerlaavartumik suliarineqassapput.
