Kalaallit Nunaannik ineriartortitseqataarusuppit?

Royal Arctic Linemi Kalaallit Nunaata tamakkerlugu pilersornissaanik ullut tamaasa suliaqarpugut.

Suliffeqarfimmi suliffiit assigiinngitsorpassuupput inuillu assigiinngitsunik tunuliaqutallit pisariaqartippagut. Suliatigut piginnaasaqarluarneq, akisussaassuseqarneq suleqatiginnissinnaanerlu pingaartilluinnarpagut. Imarsiorlutit, umiarsualivimmi allaffimmiluunniit sulisuunerit apeqqutaatinnagu, suleqatigiinni pingaarutilimmik inissisimassaatit. Ilinniarneq ineriartornerlu pingaartilluinnarpagut. Sungiusaatigalugulu sulisutut imaluunniit ilinniartutut pissanganartunik suliassaqartinneqartassaatit akisussaaffimmillu tigusinissaq ilinniassavat. Ataatsimooqatigiinneq inunnik inuiaqatigiinnillu ukkataqarfiusoq suleqataaffigilissavat.

Suliffissat

Royal Arctic Line

Ilinniakkat pillugit uani paasisaqarnerugit

Atorfiit inuttaqanngitsut

Atorfimmut aalajangersimanngitsumut qinnuteqarneq

Royal Arctic Linemi atorfimmut aalajangersimanngitsumut qinnuteqaammik nassiussisinnaavutit.
Ilisarnaatigisatit atorfimmut inuttassarsiuunneqartumut naapertuutissappata attaveqarfigissavatsigit.

Nunami imaluunniit imarsiorluni atorfimmut qinnuteqarniarnerlutit toqqaruk:

Nunami

Ilinnut nassiussanik piareersaanermik aqutsinermillu, umiarsualiviit, terminalit, allaffissornerup imaluunniit nunami suliaqarfiit allat iluanni suliffissarsiortumut.

Nunami atorfimmut aalajangersimanngitsumut qinnuteqarusukkuit, una tooruk:

nunami atorfimmut qinnuteqarit

Imarsiornermi

Ilinnut, umiarsuaatitsinni umiarsuarmi assistentitut ilinniarsimasutut/ ilinniarsimanngitsutut, maskiinalerisumut ikiortitut, igasutut, aquttutut imaluunniit imarsiorluni suliffinni allani sulilerusuttumut.

Imarsiornermi atorfimmut aalajangersimanngitsumut qinnuteqarusukkuit, una tooruk:

imarsiorluni atorfimmut qinnuteqarit

Peqatigiilluta toqqissisimanermik, atugarissaarnermik angusanillu pilersitsissaagut

Ilisarnaativut

Royal Arctic Linemi sulinermi avatangiisit toqqissimanartut, tusaaneqarlutillu pingaarnertinneqarfigisatit, pilersinnissaat sulissutigaarput.
Atugarissaarnissat piginnaasatigullu ineriartornissat pingaartipparput. Taamaattumillu sulinermi avatangiisit toqqissisimanartut, suleqatinnit tusaaneqarlutillu pingaartinneqarfigisatit sulissutigaagut. Ataqqinninneq, akisussaassuseqarneq ataatsimooqatigiinnerlu upperaagut.

Sulisuinnaanngilatit

Kulturitsinni inuk tamaat ukkatarineqarpoq. Taamaattumillu pisariaqartitat takorluukkatillu inissaqartippagut ulluinnarnilu sulininni tunniuttakkatit qujamasuutigalugit

Ulluinnarni sulineq allanngorarfiusoq – anguniagaqaqatigiiffiusorlu

Suliffeqarfiuvugut suliatigut assigiinngitsorpassuarnik tunuliaqutarfiusoq. Ineriartornissannut allanngueqataanissannullu periarfissaqartinneqassaatit.

Kivitseqatigiittarpugut

Suliavut inuiaqatigiinnut kalaallinut pingaaruteqarput. Taamaattumik sulisut pikkorissut tunniusimasullu pisariaqartippagut. Ikioqatigiittarpugut suleqatigittullu sulilluta.

Ataatsimooqatigiinneq nukittooq suleqataaffigileruk– imarsiornermi imaluunniit nunami

Imarsiorlutit sulissaguit imarsiornermik ilinniagaq akuerisaq allagartaqarfigissavat allagartallu pisariaqartut pigalugit, tamanna inatsisitigut piumasaqaataammat.
Nunami atorfinnut tunngatillugu ilinniakkatigut allagartaqarfigisat kisiisa pinnagit aamma misilittakkat, piginnaasat inuttullu qanoq ittuuneq isiginiartarpagut, aamma sulisut assigiinngitsorpassuarnik tunuliaqutaqartut atorfinitsittarpagut.
Sullivinni ilinniarsimasunik sulisussarsiornerusarpugut, soorlu mekanikerit maskiinalerisullu, tamatumani misilittakkat, namminersorsinnaaneq isumannaallisaanermillu ukkataqarneq pingaaruteqarmata.
Assartugalerisutut ilinniarsimausutut imaluunniit ilinniarsimanngitsutut sulisinnaavutit – pingaarnerpaavoq akisussaaffimmik tigusisinnaanissat, suleqatiginnissinnaanissat timillu atorlugu sulinissamut kajumissuseqarnissat, isumannaallisaanerlu tamatigut qitiutittarlugu.
Umiarsualiviit immikkoortortaqarfiini akunnermusiaqarluni atorfiit pillugit paasisaqarnerorusukkuit najukkami umiarsualivimmut toqqaannartumik saaffiginnissaatit ugguuna
Aamma kaammattorneqannngikkaluarlutit qinnuteqarsinnavutit; ilisarnaatigisatit atorfimmut inuttaqanngitsumut naapertuuppata attaveqarfigissatsigit.