Nassiussanik sillimmasiineq – toqqagassaq pingaarutilik

Sillimmasiineq – toqqagassaq pingaarutilik

Assartuinermut sillimmasernissaq Royal Arctic Linemit kaammattuutigaarput, nassiussannik ajoqusertoqassagaluarpat atorsinnaasannik. Nassiussassanik inniminniinermi sillimmasiissummik pisisinnaavutit ajoqusertoqassagaluarpat nassiussat nalinginut assartuinermullu matussutaasussamik. Sillimmasiissut pisiarisat akiligassiissut aqqutigalugu akilissavat, taannalu nassiussat allagartaannut ilanngullugu ilinnut nassiunneqassaaq.

Apeqqutigineqakkajuttut

Sillimmaserneq qanoq akeqarpa?

Assartukkanut sillimmasiissummut akiliutissaq naatsorsorneqartarpoq nassiussat tamarmiusut nalingisa 0,8 %iat naapertorlugu.
Akiliut nassiussanut tamanut atuuppoq – Akiliutissaq ullunik 14-inik siumut ilimasaaraluni allanngortinneqarnissami tungaanut atuutissaaq.
Sillimmasiinermi / inniminniinermi ataatsimi akiliutissap minnerpaaffissaa kr. 50,-iuvoq.
Sillimmasiisoqartarpoq nassiussat nalingat nassiussinermut uppernarsaammi immersugassami “sillimmasikkat aningaasartaat”-ni allanneqarneratigu.

Qaqugukkut sillimmasertissaanga?

Nassiussannik inniminniinnut peqatigitillugu sillimmasersinnaavutit.

Nassiussannik ajoqusertoqarsimappat qanoq iliussaanga?

Ajoqusertoqassagaluarpat assartuussisoq killilimmik akisussaaffeqarpoq. Taamaattumik nassiussamik aallernerni ajoqusertoqarsimaneranik takusaqaruit taakku oqaatiginissaat pingaaruteqarpoq. Ajoqusernerit tunniussinermut uppernarsaammut allattorneqassapput. Kingornatigullu ajoqusernermik paasisaqassagaluaruit ajoqusertoqarsimaneranut nalunaarummik nassiussissaatit kingusinnerpaamik nassiussap tunniunneqarneranit ullut pingasut qaangiunnerini (Imarsiornermut inatsit naapertorlugu)

Nassiussanik poortuisarneq

Royal Arctic Linep umiarsui atorlugit nassiussanik assartuineq ukioq kaajallallugu ullut tamaasa ingerlanneqartarpoq. Umiarsuillu sila qanoq ikkaluarpalluunniit angalasarmata assartuineq nassiussanut piumasaqaatitaqarfiusarpoq, pingaartumik ukiuunerani qaammatini imaatigut angallanneq ilungersunarsinnaasarpoq umiarsuit ukiuunerani anorersuarnerani aamma angalasinnaasarmata.

Tamatuma saniatigut nassiussat ingerlaarnerminni arlaleriarlugit aamma nuunneqarsinnaasarput.

Taamaammat nassiussat umiarsuakkut assartorneqarnissaminnut terminaleqarfinnilu isumagineqarnissaminnut qajannaarsarneqarsimanissaat pingaaruteqarpoq.

Taamaammat nassiussat illersorneqarsinnaasumik poortornissaat tamatigut eqqaamasassaavoq. Poortuutissarlu nassiussap suussusianut, oqimaassusianut qajannassusianullu naleqquttoq atorneqassaaq.

Ikiorneqarnissannik pisariaqartitisivit?

Apeqqutissaqarpit imaluunnit ikiorneqarnissannik pisariaqartitsivik?
Taava attaveqarfiginissatsinnut tikilluaqqusaajuaannarputit.

Sullitanik kiffartuussivik

Attaveqarfissat

Sillimmasiinermut atugassarititaasut

Sillimmasiinermut akiliutit annertussusaat

Ajoqusiinermi nalunaarusiaq

Assartuinermut tunngasunik aalajangersakkat