Nutaarsiassani ulloq 29.12. 2021-mi ilanngutatsinni EU-mit EU-mut assartuisarnerit ilaannut momseqatitsisarnerup nutaap eqqunneqarnissaannut tunngatillugu maluginiaqquneqarsimavoq Danmarkimi Akileraarusersuisarfiup ulloq 21.12. 2021 nutaamik nalunaarusiorsimasut, tassanilu ulloq atuutilerfissaq allanngortinneqarsimasoq ulloq 1. juli 2022-mut
Taamatut juulip aallaqqaataanut 2022-mut kinguartitsinermut pissutaavoq Danmarkimi Akileraarusersuisarfik isumaqarmat assartuinermik isumaginnittut ulluni makkunani EU-mi periutsip allanngortinneqarnerata kingunerisaanik immikkut ajornakusuulersimasut, EU-mi nunani assigiinngitsuni allannguinerup kingorna naammassinninnissamut piumasaqaatit assigiinngiiaartuuneri pissutigalugit. Tamatuma saniatigut assartuinermik ingerlatsisartut assigiinngitsunik pissuteqartumik unammillernartorsiorsimapput, s.i. Brexit, tamakkulu suleriaatsinut it-milu periutsinut sunniuteqarsimammata. Pissutsit immikkoorutillit tamakku pissutigalugit Akileraarusersuisarfiup pissusissamisoortutut isigisimavaa SKM2021.321.SKTST-p atuutilerfissaata ullua kinguartissallugu .
Danskit Akileraarusersuisarfiata atuutilersitsinissamut piffissaq qimmuttorlu kinguartitsissalluni aalajangiinera pillugu ilisimatinneqarsimanerput qutsatigaarput, ataanilu Danmarkimi Akileraarusersuisarfimmut linki atorlugu annertunerusumik paasissutissanik alakkarterisoqarsinnaavoq
