Tukuma Arctica umiarsuit aalajangersimasumik ingerlaartinneqartut kingullersaattut Aalborgip Umiarsualivianit pingasunngormat juunip 22-ani aallarpoq.
Tamannalu Aalborgip Kommunianut Aalborgillu Umiarsualivianut qujassuteqarluni aaqqissuussinermi malunnartinneqarpoq. Naalakkersuisut siulittaasuat Múte Bourup Egede, Aalborgip Kommuniani borgmesteri Thomas Kastrup-Larsen, Port of Aalborgip siulersuisuini siulittaasoq Lasse Frimand Jensen kiisalu Royal Arctic Linemi pisortaaneq Verner Hammeken oqalugiarput kingornalu tunissuteqartoqarluni
Suleqatigisat, sullitat Royal Arctic Linemilu sulisut aaqqissuussinermi peqataapput killiffigisarlu tussunngunaraluartoq suleqatigiinnerup maanna naggaserneqartup illuatungeriinnut tamanut periarfissanik nutaanik ammaassissasoq aamma isumaqatigiissutigineqarpoq.
Aaqqissuussineq Tukuma Arcticap Aalborgip Umiarsualivianit naggataarluni aallarneranik naggaserneqarpoq.
