Usinut navianartunut taaguutit
Uani takusinnaavatit oqaatsit nalinginnaanerusut usinik navianartunik assartuinermi atorneqartartut
Proper Shipping Name - PSN
Proper Shipping Name tassaavoq nassiussinermi taaguut eqqortoq, taanna usinik navianartunik assartuinermi tamatigut nunat tamalaat akornanni nalunaarutigineqartussaavoq. Soorlu assersuutigalugu saltsyrimut Proper Shipping Name (UN1789) tassaavoq 'Hydrochloric Acid'.
UN number - UN-normu
UN-normu tassaavoq normu sisamanik kisitsisitalik, taanna aalajangerneqarpoq Naalagaaffiit Peqatigiit immikkut ilisimasalittut suleqatigiissitaannit 'United Nations Subcommittee of Experts', taakku usinik navianartunik tamanik nalunaarsuisuupput. UN-normu allanneqartarpoq naqinnerit “UN” kisitsisinut sisamaasunut siulliutillugit – soorlu assersuutigalugu UN1789 (Hydrochloric Acid).
Packing Group - PG
Poortukkanik immikkoortiterinermi (Flash Point) nalunaarneqartarpoq navianassutsip annertussusia UN-normunut ataasiakkaanut. Navianassutsip annertussusii assigiinngitsut pingasuupput:
PG I: Akuutissat assut navianartut
PG II: Akuutissat navianartut
PG III: Akuutissat navianannginnerusut
Flash Point
Ikuallannissamut killingani (Flash Point) nalunaarneqartarpoq kiassutsip appasinnerpaaffia imerpalasup ikuallassinnaalernissaanut, tassa taanna iltimut attuukkaangat.
Limited Quantity - LQ
Usit navianartut ilaat usitut nalinginnaasutut assartorneqarsinnaapput, taakku annertussusiat annikitsuugaangat (Limited Quantity), tassa IMDG-kodemi maleruagassani piumasaqaataasunit annikinnerugunik. Poortuutigisaq immikkut akuersissutigineqarsimassaaq killimik annertussusilinnut assartuinermut atorneqartussatut.
EmS code - EmS-kode
EmS-kodemi innersuussiffigineqarput pinngitsoortitsiniarluni aamma akiuiniarluni iliuusissat (Emergency Schedules), tassa umiarsuit usinik navianartunik assartuisut naammassisassaat. Immikkut ilisarnaatit assigiinngitsunut aggorneqarput F-koder ikuallannermut (fire) aamma S-koder maangaannartitsinermut. Assersuutigalugu Ems-kode tassaasinnaavoq F-A (ataatsimut isigalugu ikuallassinnaanerup ilisarnaataa) imaluunniit S-B (akuutissat neriuisartut).
Subsidiary risk – Immikkoortuni tulliusoq
Immikkoortiterinerit ilaat immikkoortunik pingaarnernik aamma tulliusunik immikkoortinneqarput – assersuutigalugu UN1992 ‘Flammable Liquid’, Toxid N.O.S., taakku immikkoortiterinermi pingaarnermi 3-miipput (ikuallajasut), immikkoortiterinermi tulliusumi 6.1 (toqunartulik) aamma ‘Marine Pollutant’ (imaanik mingutsitsisinnaasoq).
Usit navianartut assartorneqartarnerat pillugu apeqqutissaqaruit nangaassuteqarnak umiarsuit angalanerannut immikkoortortaqarfik attaveqarfigisinnaavat oqarasuaammut +299 34 91 17-imut imaluunniit imdg@ral.gl.
-----------------------------------------------
Usinut navianartunut ilisarnaatit
 |
|
 |