Tammajuitsussatut pisat nassiunneqarnerat

Tammajuitsussatut pisat qanoq illillugit Danmarkimut nassiunneqassappat?
Uumasut kukiffallit amii suliarineqanngitsut aamma timmissat kivigassat nappaateqannginnerannut uppernarsaammik Kalaallit Nunaanni oqartussaasunit / inuussutissanik nakkutilliisunit suliarineqarsimasumik eqqortumik (originali) ilaqartinneqassapput. Tamatuma saniatigut suliarineqassaaq CVED (EU-mut uppernarsaasersuut: Common Veterinary Entry Document) uumasut nakorsaasa misissuinissaannut atorneqartussaq. CVED-imik qinnuteqarnissannut ikiorneqartariaqaruit Royal Arctic Linep Danmarkimi Sullitanik ikiuisarfia oqarasuaatikkut +45 99 30 32 34-imut attaveqarfigisinnaavat.
Tammajuitsussatut pisanik nassiussanik Danmarkimi kikkut tigusaqarsinnaappat?
Amernik aamma tammajuitsussatut pisanik tigusisussat nunap immikkoortuani sumiiffimmi inuussutissalerisutut eqqussisinnaasutut nalunaarneqarsimassapput. Eqqussuisutut nalunaarsuiffimmi pilersitsineq uani Virk.dk atuarsinnaavat imaluunniit attaveqarfigisinnaavat Erhvervsstyrelsen oqarasuaatikkut +45 35 29 10 00.

Uumasunik nungoratarsinnaasunik avammut annissineq
Nannut amii suliarineqanngitsut aamma uumasut allat nungoratarsinnaasut uani allattorneqartut andre truede dyrearter akuersissummik CITES-imit annissisinissamut aamma eqqussinissamut eqqortumik (originali) ilaqartinneqassapput aammattaaq CVED-imik uumasut nakorsaasa misissuinissaannut atorneqartussamik. Qanoq iliorluni akuersissummik CITES-imik pissarsisoqarsinnaanera uani Naturstyrelsens hjemmeside atuarsinnaavat imaluunniit akuersissummik qinnuteqarsinnaavutit uunga Aalisarnermut, Piniarnermut Nunalerinermullu Naalakkersuisoqarfik.
Arferit saarnginik nassiussineq
Arferit saarngi akuersissummik CITES-imit annissinissamut aamma eqqussinissamut eqqortumik (originali) ilaqartinneqassapput aammattaaq CVED-imik uumasut nakorsaasa misissuinissaannut atorneqartussamik.

Terianniat aamma ukallit amiinik nassiussineq
Terianniat aamma ukallit amiinik suliarineqanngitsunik nassiussinermi taamaallaat CVED uumasut nakorsaasa misissuinissaannut atorneqartussaq piumasaqaataavoq.

Tuttut aamma umimmaat nassuinik saaniinillu nassiussineq
Uumasut kukiffallit nassui aamma saarngi nappaateqannginnerannut uppernarsaammik Kalaallit Nunaanni oqartussaasunit / inuussutissanik nakkutilliisunit suliarineqarsimasumik eqqortumik (originali) ilaqartinneqassapput.

Tammajuitsussatut pisanik nassiussineq qanoq aningaasartuuteqarfiua?
Tammajuitsussatut pisanik nassiussineq umiarsuartigut assartuinermut akiliuteqartoqassaaq. Tamatuma saniatigut aningaasartuutit makkuupput:

Uumasut nakorsaasa misissuinerat:
Uumasut nakorsaannit akiligassiissut malillugu

Nioqqutissap nalinga malillugu moms:
Nalingata 5%-ia

CVED:
DKK 400 ataaseq + moms

Eqqussinermi ilanngaaserineq:
DKK 400 ataaseq + moms

Immikkut passussineq / uumasut nakorsaasa misissuinerat:
DKK 800 ataaseq + moms

Tammajuitsussatut pisat pillugit apeqqutissaqaruit nangaassuteqarnak Danmarkimi Sullitanik ikiuisarfimmi Eqqussuinermut immikkoortortaqarfik saaffigisinnaavat oqarasuaatikkut +45 99 30 32 34 imaluunniit emailikkut import@ral.dk