Nassiussat akileraaruserneqartarneri

Royal Arctic Linep Danmarkimi SKAT suleqatigalugu inuit ataasiakkaat nunatsinnit Danmarkimut nassiussaat 50 kg ataallugit oqimaassusillit nalituujunngitsullu pillugit oqilisaassilluni malittarisassaqartitsigaluarpoq. Malittarisassarli taanna Danmarkimi SKAT-ip atorunnaarsippaa. Taamaammat inuit ataasiakkaat nassiussaat suugaluartulluunniit siunissami akileraaruserisutigoortinneqartassapput. Pigisanik nassiussat, nassiussat utertinneqartut imaluunniit iluarsaatassanik nassiussat pineqartinnagit akitsuummik momsimillu siunissami akiliisoqartalissaaq.

Malittarisassarli inuit ataasiakkaat qerisunik nassiussaannut atuutsinneqanngilaq, tamatumunnga atatillugu ”Qerisunut privatitut nassiunneqartunut immikkut aaqqissuussaq” innersuussutigineqarpoq.

Malittarisassalli nutaap, soorlu assersuutigalugu tunissutitut nassiussat eqqorsinnaasassavai, akileraarummik momsimillu nassiussap nalinga tunngavigalugu akileraartussanngortitsinikkut.

Royal Arctic Linep akileraaruserisutigoortitsinissaq isumagisinnaavaa, fragtbrevimut ataatsimut 400 koruuninik akiliuteqartitsilluni. 

Nassiussat akileraaruserisutigoortinneqanngitsut tunniunneqarsinnaannginnerat eqqumaffigineqassaaq. 

Apeqqutissaqaruit Royal Arctic Line Danmarkimut attaveqarsinnaavutit oqarasuaatikkut 99 30 32 34-mut sianerlutik.

Nunatsinni suliffeqarfik EU-mi inuinnarmut nassiussissappat. Kiisalu inuit ataasiakkaat akornanni niueqatigiittoqarsimappat. 

• EU-p killeqarfiata iluani nunamut nioqqutissamik nassiussaqaruit, taannalu 80 koruunit sinnerlugit naleqarpat, taava nioqqutissamut momsimik, akitsuummik eqqussinermullu akiliummik (akileraaruserisutigoortitsinermut akiliut) akiliissaatit.
  
  Nassiussat qanoq ilinerani akileraaruserisutigoortinnissaannut akiligassat annertussusaat ima isikkoqarput: 
• 80 DKK ataallugit: Akitsuummik, momsimik eqqussinermulluunniit akiliummik akiliissanngilatit 
• 80 - 1.150 DKK: Momsimik eqqussinermullu akiliummik akiliissaatit
• 1.150 DKK sinnerlugit: Momsimik eqqussinermullu akiliummik akiliissaatit 
• 80 koruuninut killiussamut nassiussinermut aningaasartuutit ilaatinneqanngillat.
• Nioqqutissap suunera apeqqutaatillugu akitsuutit annertussusaat assigiinngitsuupput.
  Akitsuut nioqqutissap nalinga nassiussinermullu aki tunngavigalugit naatsorsorneqartarpoq.
• Akitsuutip saniatigut nassiussap nalinga 80 koruuniuppat sinnerpaguluunniit momsimik akiliisoqassaaq.
  Momsi 25%-iuvoq, nioqqutissallu nalinga, nassiunnerata akia akitsuullu tunngavigalugit naatsorsorneqartarluni.
• Nioqqutissat nutaajuneri atornikuunerilu apeqqutaatinneqanngillat. 

Tunissutissat. Inuinnarmit inuinnarmut tunissutaassapput

• Tunissutissat 360 koruunit ataallugit nalillit akitsuuserneqassanngillat.
• Tunissutissanut 360 koruunit 1.150 koruunillu akornanni nalilinnut momsimik eqqussinermullu akiliummik akiliisoqassaaq.
• Tunissutissanut 1.150 koruunit sinnerlugit nalilinnut akitsuummik 2,5%-imik aamma momsimik eqqussinermullu akiliummik akiliisoqassaaq.