Nassiussat
Islandimit, USA-mit Canadamillu
Attavissat: Oqarasuaat +299 70 15 00 - email kundeservice@ral.gl
Reykjavik Tukuma Arcticamik Dettifossimillu aqqusaartarparput. Taamaalilluta Reykjavik, avannamukarnermi kujammukarnermilu, sapaatit akunneri pingasut iluini marloriarlugu aqqusaartarparput.
Islandimiut suleqatigisavut, Eimskip, USA-mit Canadamiillu attaveqarpoq Reykjavikimut tikittartumik. Taamatuttaaq usit Eimskip angalasarfianeersut Reykjavik aqqusaarlugu Nunatsinnut ingerlateqqinneqartarput.
Piffissami qaninnermi angalanissamut pilersaarut takuuk ugguuna, tassani Eimskipip USA-mit Canadamiillu attaveqarneri Royal Arctic Linep Nunatsinnut umiarsuisa angalanerannut ilanngunneqarput.
Royal Arctic Linep Islandimut tikittarneri allat takuniaraanni innersuussutigineqarpoq Royal Arctic Linep Tunngaviusumik angalanissamut pilersaarutaa.
Akitsuutit assigiinngitsut
Sullittakkatsinnut maluginiaqqussavarput arlalinnik assigiinngitsunik akitsuuteqarsinnaammat (Disbursements), tassa assartuinerni Eimskipimit isumagineqartuni, ingammik USA-mit Canadamiillu, taakkulu akitsuutit ilaannikkut imaatigut assartuinerup akia qaangersinnaammassuk.
Nassiussat USA-meersut, Canadameersut, Islandimeersut il.il. pillugit apeqqutissaqaruit, nangaassuteqarnak Kiffartuussivimmut saaffiginnissaatit, oqarasuaat +299 70 15 00 imaluunniit kundeservice@ral.gl
Akinut tunngatillugu apeqquteqarniaruit, eqqaamassavat uuttuutit oqimaassuserlu, kiisalu nassiussisoq aamma umiarsualivik tigusiffiusussaq ilisimatitsissutigissagakkit.
EIMSKIPIMI ATTAVEQARFISSAT:
|
Iceland |
USA ocean@eimskipusa.com Tel. +1 757 213 7262. 1424 Baker Road, 23455, VA (Norfolk/ Virginia Beach, VA) |
Canada info@eimskip.ca Tel +1 709 754 7227 ext 4224 577 Marginal RoadHalifax, Nova Scotia (Halifax) |
Inussiarnersumik maluginiaqquneqarpoq nassiussat nunanit EU-mut ilaasortaanngitsuneersut tunniunneqassappata akileraaruseriffimmit naqitseqqaarneqartariaqarmata.