Qinnuteqaat pitsaasoq

Kajumissaarneqarnak qinnuteqaruit, imaluunniit tamanut saqqummiussamut atorfimmut qinnuteqaruit, imaluunniit ilinniartunngorniaruit, pingaartuuvoq suliffissarsiorlutit qinnuteqaatit illit inuttut qanoq ittuuninnik pitsaasumik uagutsinnik misigititsippat. Taamaattumik qinnuteqaatit suliatigut aammattaaq illit inuttut suliffimmut atatillugu piginnaaninnik assigiinngiiaartunik nassuiaatitaqarpat.  

Naatsorsuutigaarput illit qinnuteqaatit makkuninnga imaqassasoq:

Qinnuteqaat
Tassani erseqqissassavat sooq atorfimmut tassungarpiaq qinnuteqarnersutit, soorlu illit atorfimmut toqqassaneritsigit. Soorlu assersuutigalugu illit siornatigut atorfigisimasatit imaluunniit ilinniakkatit erseqqissarnerusinnaavatit, misilittakkatit atorneqarsinnaasut sumit pissarsiarisimaneritit, imaluunniit inuttut illit piginnaanitit atorfimmut naleqquttuusut erseqqissarlugit. Innersuussutigissavarput naatsumik erseqqissumillu annerpaamik quppernermi ataatsimi allassasutit.

CV
Eqqaalluguttaaq CV/illit pillutit paasissutissanut allattorsimaffiup ilanngunnissaa, taamatut uagut illit suliatigut, inuttut aamma suliffigisarsimasakkut tunuliaqutatit ataatsimut takusinnaaniassagatsigit.

Soraarummeersimanermut uppernarsaatit, innersuussutit il.il.
Imarsiortutut atorfik qinnuteqarfigigukku tassani minnerpaamik piumasaraarput imarsiortutut allagartat aamma peqqissutsimut uppernarsaatit ilanngullugit nassiutissagitit. Allanik tamatumunnga attuumassuteqartunik uppernarsaataateqaruit aamma certifikatiuteqaruit, taakku ilanngullugit CV-nni allassinnaavatit. 

Imarsiornermi ilinniagaqarnissamut qinnuteqaruit soraarummeersimanermut uppernarsaat kingullerpaaq ilanngullugu nassiutissavat.

Nunami suliffeqarfimmi ilinniartunngornissamut qinnuteqaruit soraarummeersimanermut uppernarsaat kingullerpaaq kiisalu ilinniarfimmi attuumassuteqartumi akuerisaasimanermut allakkat ilanngullugit nassiutissavatit.

Atorfiit allat qinnutigigukkit (tamanut saqqummiunneqartoq atorfik imaluunniit kajumissaarneqarnak qinnuteqaruit) piumasarinngilarput ilanngussassat assigiinngitsut ilanngunneqarnissaat, kisianni attuumassuteqartutut kingornatigut isummerfigissagutsigu taakku ilinnit pissarsiariniassavagut.