Tukuma Arctica Nuummut tikippoq
Nuup silaa ulluni kingullerni nikerarsimaqisoq qulisimaannarpoq annikitsumillu suialaarluni Royal Arctic Linep imarpikkoortaataa nutaaneq Tukuma Arctica akunnerit marlussuit qaangiuttut Nuummut tikerngaarmat.
Umiarsuaatileqatigiiffiup nunaqarfiliartaataata Pajuttaatip umiarsuaq inuttaalu Kitsissut eqqaannili siggartartarlutik imermillu seqqartaasarlutik tikilluaqquaat, nunamilu sulisut Qeqertani umiarsualivimmi qummoroortarput.
Tukuma Arctica massakkorpiaq imaarneqarpoq, umiarsuaq immini kivittaateqanngilaq, taamaattumik umiarsualiviup kivittaassui angallattakkat ilaatigut atorlugit, umiarsualivimmilu sulisut ulapporeqisut imaarsisuupput.
Tukuma Arctica ullumi nal. 11:30 atserneqassaaq. Atsiinermit nal. 11:30 Facebookikkut toqqaannartumik aallakaatitsilerutta malinnaagina.