Aalborgimi sulisut akornanni sulinermik unitsitsigallarneq

Royal Arctic Linep Aalborgimi terminaliani quersuanilu sulisut ullumikkut ataasinngornermi sulinermik unitsitsigallarniarlutik aalajangerput.

Tamanna pissutigalugu nassiussanik Aalborgimi ullumikkut tigusisoqarsinnaananilu tunniussisoqarsinnaanngilaq. Sullitat tamatuminnga eqqugaasut ilisimatinneqareerput.

Sulisut sulinerminnik unitsitsigallartut sulinertik pillugu marlunngornermi ullaakkut ataatsimiissapput, sulinerullu tamatuma kingorna aallarteqqinneqarnissaa umiarsuaatileqatigiiffimmit naatsorsuutigineqarpoq.

Aalborgimi sulinermik unitsitsigallarneq Kalaallit Nunaanni nassiussanik tunniussinermut tigusinermullu sunniuteqassanngilaq.