Islandimi unammilleqatigiinnermut aqutsisoqarfiup aaliangigaa Samskipimit maalaarutigineqarpoq

Eimskipip Royal Arctic Linellu ingerlaaqatigiittalernissaannut aaliangiussaq Islandimi umiarsuaatileqatigiiffimmit Samskipimit naammagittaalliuutigineqartoq Royal Arctic Linemut paasissutissiissutigineqarpoq. Naammagittaalliut Islandimi unammilleqatigiinnermut aqutsisoqarfiup naammagittaalliutinik suliaqartarfianut tunniunneqarsimavoq. Suliamilu uani pineqartut taamaalillutik tassaapput unammilleqatigiinnermut aqutsisoqarfik Samskipilu.

Sapaatit akunneri arfinillit qaangiutsinnagit Islandimi unammilleqatigiinnermut aqutsisoqarfik akissuteqassaaq. Akissuteqarnermit ullut tallimat qaangiutsinnagit Royal Arctic Line oqaaseqarsinnaatitaassaaq.

Uagut upperivarput Islandimi unammilleqatigiinnermut aqutsisoqarfik eqqortumik aaliangiisimasoq pilersaarutillu malillugit ingerlaaqatigiittalerniarnerput sulissutigissallutigu. Suliassanngortitseqqiineq aaliangiisoqarsimatinnagu sulinitsinnut malunnaateqassanngilaq.