06.11.18 03:15

Avannaani siku sukkasuumik siaruaakkiartorpoq

 

Kitaata sikua sukkasuumik pinngoriartorpoq, silalu aammalu issinnera taamaaginnassappata Uummannap sullua Qeqertarsuullu Tunua sikoriaannaapput.

Naatsorsuutigaarput ”Vestlandia”-p angalanerata nr. 1843-p Upernavimmi eqqaanilu tikitassai angusinnaassallugit – angalanerit siuliini kinguaattoornerit pilersimasut pissutigalugit – kinguaattoornertalimmik. ”Vestlandia”-p angalanissaa nr. 1844, aamma Upernavimmut eqqaanullu, pivisunngorsinnaassanersoq kingusinnerusukkut nalunaarutigiumaarparput. 

Uummannap sulluani tikitassagut, ”Pajuttaat”-ip angalaneri nr. 1843 aamma nr. 1844, Uummannamut eqqaanullu, iluatsissasut naatsorsuutigaaarput. Angalanerilli ukioq manna kingulliit, tassa ”Pajuttaat” nr. 1845 aamma nr. 1846, novemberip naajartornerani pisussat – aamma Uummannamut eqqaanullu – piviusunngorsinnaassanersut kingusinnerusukkut nalunaarutigiumaarpagut.

Sikup siaruaakkiartornera silallu pissusaa malinnaaffigeqqissaarpagut, sikullu aammalu silap pisinnaateriarpatigut sapinngisarput tamaat atorlugu tikiffissagut tikinniarumaarpagut.

Malugeqqussavarputtaaq ”Vestlandia”-p angalanissai nr. 1843 aamma 1844, aammalu ”Pajuttaat”-ip angalanissai nr. 1845 aamma 1846, tassaammata sikumik silamillu pissuteqarlutik apuussinnaanngeratarsinnaasutut pilersaarutitsinni nalunaarsukkat.

Assimi ”Pajuttaat” siusinnerusukkut sikusiortoq takuneqarsinnaavoq.

www.ral.gl/ingerlaarfiit/ -mi angalanissamik pilersaarutigut takuneqarsinnaapput.