09.05.18 08:00

Uagutsinnut qitiuvoq inunnik ineriartortitsineq

 

Kalaallit Nunaata nunarsuarmi niueqatigiuminartunngorsarniarnera siunnerfiuvoq pingaartoq. Tassanimi Kalaallit Nunaanni pilersuinermik suliaqarnermiit Kalaallit Nunaanni ineriartortitsinermut ilaavugut. Aningaasartuutit apparsassavagut, sullissat pitsaanerusumik sullissinnaalerumallugit isumannaarumallugulu nunarsuarmi peqataanerulernissaq periarfissanillu ammaassigaluttuinnartumi peqataanissamut naleqqussarpugut. 

Ukiut marluk affarlu ingerlanerini suliffeqarfimmi pisortaasut nutaat Nuummut katersortippagut. Pisortaqatigiit pisortaanerminni piginneqatigiiffimmi allanngoriartortuartumi misigisaqarsimasut. Sulisulerinermi sakkussat atorlugit sulisugut ilisarisimalersimavagut, sulisutut ”pitsaanerpaajusutut”. Taamaattumik sulisorisatta ajornartorsiutinik qanoq akiuiniartarnerat, ilinniartarnerat, suleqatigiittarnerat, ineriartortitsisarnerat ilisimaarivagut ilisimallugillu aamma suut kajungersaatigisaraat.  Atorfiit assigiinngitsut sunik suliassanik imaqarneri ilisimavagut. Sulisutta aqutsisinnaasusii nalunngilagut, suliluunniit imminneq qanoq aqutsisussatut piukkunnassuseqarnertik ilisimalinngikkaat.

Sulisuttalu nukittuffii sanngiiffiilu ilisimavaguttaaq, taamallu allannguutit ingerlasut pinerini nammaqatigisinnaallugit. Tamakkulu uuttortarpagut.

Aamma uttortartarpagut ataasiakkaat qanoq suliffimminnut tunniussuitiginerat. Aammalu qisuariaateqartarpugut, ingerlatsinerit arlaatigut ”narlorissartariaqaraangata”.

Qunuginngilarput oqaatigissallugu, qarasaasiat atorlugit sulisulerinermi Kalaallit Nunaanni siuarsimanerpaagatta, taamallu suliffeqarfiup siunnerfiinut naleqqussaalluta sulisunik ataasiakkaanik naleqqussaasinnaanernut pitsaanerpaanik periarfissaqaratta allanngortiterinerit ingerlanerini angusanik pilersitsinissanut tunngavissaasunik.  Sulili naammasseqqajanngilagut, ullulli tamaasa ineriartornitsinni peqataasinnaasut amerliartortuarput, nukittoriartorluta, taamallu suliffeqarfiup akisussaaffinnik tigusinissaani nammaqataasussat aamma amerliartortillugit. Taamatut ingerlasoqarnerata immineq naleqqussarsinnaanerput iluaqusersorpaa.

Taamaattumik sulisuusugut tamatta ,Royal Arctic Line-ip allanngoriartornermi malinnaatinnissaanut atatillugu, pigisavugut pingaarnerpaat. Tassami Royal Arctic line-imi sulisuusut tamarmiusut periarfissilluta aqqutissiuuppaatigut siunniussatta – tassalu Kalaallit Nunaata niueqatigiuminartunngorsarnerata – angunissaanut.