14.05.18 01:00

Royal Arctic Line aamma PANAM2018 tapersersuinissamik isumaqatigiissuteqarput

 

Royal Arctic Line aamma PANAM2018 tapersersuinissamik isumaqatigiissuteqarput, taamallu pisoqarneratigut unamminissat timitalernissaat qanilliallatsinneqangaatsiarlutik. Royal Arctic Line-imilu aningaasaliisarnermut ataatsimiititaliap nuannaarutigaa pisussaq taamatut angitigisoq peqataaffigineqarsinnaalermat.

- Panam2018 tassaavoq nunatsinni 2018-imi timersorneq tunngavigalugu pisussat annersaata ilassaat. Pisussaq taamatut angitigisoq peqataaffigerusupparput, tapersiinitsinnilu tunngaviussaaq PANAM2018-ernissamut atatillugu Aalborgimiit Nuummut utimullu assartugassanik isumaginninnissaq aammalu keystraps-inik isumaginninnissaq.

PANAM2018-ernissamut aaqqissuinermi pisortaq Poul Petersen isumaqarpoq Royal Arctic Line tassaasoq suleqatissat pingaarluinnartut ilaat.

- De Panamerikanske mesterskab-ertitsinissami pisariaqartinneqarpoq Danmarkimit Frankrigimiillu atortussarpassuit nunatsinnut imaatigut assartortinneqarnissaat, taamaattumillu isumaqatigiissut pingaartuuvoq aningasartuutissarpassuarnik sipaaruteqartitsisussaq.