04.05.18 08:00

2018-imi containerilerineq patajaatsoq

 

Royal Arctic Lineminngaanniit kisitsisit suliarineqartut qiviassagaanni 2018-imi containerinik suliaqarneq patajaatsumik ingerlasimavoq, sinerissami containerilerinissamut pilersaarutini ataasiakkaanik nikingasoqarsimanera eqqaassanngikkaanni. Sapaatip akunneri arlallit kukkunerit 0 %-imiissimapput sapaatip akunneri ataasiakkaat containerit ataaseq marlulluunniit kukkussutaasarsimasut eqqarsaatigissanngikkaanni (kukkuneq procentinngorlugu 0%-imiit 0,2 %-ip nalaani inissisimavoq).

Killiffitsinninngaanniit containerinik suliaqarneq isiginiassagaanni tatiginarsisimavugut. Tamanna anguneqarpoq suleriuutsinik nutaanik pitsanngorsaanikkut aammalu sulisut arlallit tunniusimalluarlutik suliaqarsimaneranit, tassanilu siusinaartumik allanaatillit eqqumaffigineqartarnerinik ukkararinnittoqarluni.

Umiarsuit allanngorartillugit containerinik assartuineq qajannartuaannassaaq. Silap pissusaa allallumi aamma pilersaarutitsinnut ingerlatsiniarnitsinnullu kaalluaasinnaasarput. Tamannalu nunarsuarmioqatitsinnut tamanut aamma atuuppoq. Taakkualu saniatigut aamma kujammut assartuititsinerup iluani paasissutissanik tunniussisarnermi atuisutta Royal Arctic Linellu akornanni paarlaaqatigiittarnermi pitsanngorsaavugut. Umiarsuuateqarnerulli iluani ingerlatseriaaseq isigissagutsigu patajaalluinnartumik ingerlasoqarpoq. Tamannalu Royal Artic Linemut nutaajusumut angusaq pingaartuuvoq.

Royal Arctic Linemi allanngoriartorneq aallartisarneqarnikuuvoq siunertaavorlu Kalaallit Nunaata ajornannginnerusumik niueqatigineqarsinnaalernissaa. Qulakkeerniarparput siunissami Kalaallit Nunaata ajornannginnerusumik toqqaannarnerusumillu niueqatigineqarsinnaalernissaa. Kalaallit Nunaat, umiarsuaatileqatigiiffinnut nunarsuarmi niuernermut attavilinnut, atatilissavarput. Taamaasiortoqassappat allannguinerit annertuut pisariaqarput. Tassami ingerlaasitoqaq qaquguluunniit unittoortussaammat. Paasissutissat isiginiaraanni patajaallisaanitsinnit takusinnaavarput Kalaallit Nunaata ajorannnginnerusumik niueqatigineqarsinnaalernissaanut pitsanngorsaasoqaannavittoq.