07.06.18 03:30

Royal Arctic Line piffissaq eqqorlugu ingerlaarpoq

 

Maajimi imarpissuaq ikaarlugu Kalaallit Nunaatalu sineriaani ingerlaarfiit 60-it ingerlanerinni piffisssaq eqqorlugu ingerlaarniarnerit 95 %-imi inissisimavoq. Apriilimi ingerlaarfiit 51-iusuni 96 %-imi inissisimasimavugut. Ukiumut ingerlaarfigut 200-rujut sinnilaarlugit amerlassuseqarsimasut ataatsimut isigalugit piffissamik malinninniarnerput 80 %-ingajammi inissisimavoq (2017: 57.5%). Ukiumut piffissamut malinninniarnerput isiginiassagaanni anguniagarput malillugu ingerlavugut.

Containerilerinerput aamma patajaatsumik ingerlavoq, nassiussanillu tunniussineq, ingammik Nuummi, aallerfissaq sioqqullugu ingerlanneqarsinnaalluni.

Akiligassaliortarnitta pitsaassusaa, kreditnotaliortarnerput isiginiassagaanni, aamma tamanna ajunngitsumik inissisimavoq (akiligassalioraangatta nalinginnaasumik kreditnotaliortarpugut 5 %-imik).

Royal Arctic Linemi ukiuni makkunani Kalaallit Nunaanni nutaamik pitsaanerusumik attaveqartoqarsinnaanngornissaannut sulissuteqartoqarpoq. Kiffartuussinitsinni assigiissaarisoqarpoq pitsanngorsaasoqarlunilu. Aningaasaliivugut, nutarterivugut, atortutsinni suleriaatsitsinni suliffeqarfiullu kulturianik allannguisimalluta. Sulisugut nunarsuarmi attaveqatigiinnermut peqataalernissaannut ineriartortippagut. Royal Arctic Linemi ingerlaariaatsimut nutaamut qaammatit 14-it qaangiuppata atuligassatsinnut suliaqartoqarpoq.

Patajaassuserput anguniagarput malillugu ingerlanera peqqutaalluni ajunngitsumik ingerlavugut. Kalaallit Nunaata ajornannginnerusumik niueqatigineqarnissaa anguniarlugu.