05.09.17 10:30

Pajuttaatip ikkarlinnera

 

Asasagut atuisut

Ikkarlinneq peqqutigalugu Pajuttaat atorunnaarallarpoq. Maanna suliaritikkiartorluni Nuummukaarpoq.

Ivalo Arcticap Pajuttaatip angalaffissaralui PAJ1734, 1735, 1736 1737 aamma 1738 tigulerpai.

Maanna nioqqutissat Ivalo Arcticamut nuussorneqaleruttorput.

Umiarsuup atuutileqqinnissaanut qaammatit marlunnik sivisussuseqarnissaanik naatsorsuutigineqarpoq.

Allannguuteqarsinnaanissaat piareersimaffigineqassapput.
Ajuusaarutigaarput allannguineq arlaatigut ilinnut ajoqutaasimassappat.

Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut kiffartuussivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.

Inussiarnersumik Inuulluaqqusilluta
Royal Arctic Line